കേരള എന്‍ജിനിയറിങ്, ഫാര്‍മസി കോഴ്സുകളിലേക്കുള്ള എൻട്രൻസ് പരീക്ഷ ബുധനാഴ്ച മുതല്‍

2025-26 അധ്യയന വര്‍ഷത്തെ കേരള എന്‍ജിനിയറിങ്, ഫാര്‍മസി കോഴ്സിലേയ്ക്കുളള കമ്പ്യൂട്ടര്‍ അധിഷ്ഠിത (സിബിടി) പരീക്ഷ ഏപ്രില്‍ 23 മുതല്‍ 29 വരെയുള്ള തീയതികളില്‍ നടക്കുന്നതായിരിക്കും. ഏപ്രില്‍ 23 മുതല്‍ 29 വരെയുള്ള തീയതികളില്‍ മറ്റ് പ്രവേശന പരീക്ഷകളില്‍ ഹാജരാകേണ്ടത് കാരണം, കീം പരീക്ഷാ തീയതികളില്‍ മാറ്റം ആവശ്യപ്പെട്ട് ഇ-മെയില്‍ വ‍ഴിയോ, നേരിട്ടോ ഏപ്രില്‍ 18ന് വൈകിട്ട് 5 വരെ അപേക്ഷിച്ചിട്ടുള്ളവര്‍ക്ക് ഭേദഗതി വരുത്തിയ അഡ്മിറ്റ് കാര്‍ഡ് www.cee.kerala.gov.in എന്ന സൈറ്റില്‍ ലഭ്യമാക്കിയിട്ടുണ്ട്.

ALSO READ; ഈസ്റ്റർ: ഉയിര്‍ത്തെഴുന്നേൽപ്പിന്‍റെ ഓര്‍മ പുതുക്കി തലസ്ഥാനത്തെ ദേവാലയങ്ങൾ; ഒ‍ഴുകിയെത്തി വിശ്വാസികൾ

ഭേദഗതി വരുത്തിയ അഡ്മിറ്റ് കാര്‍ഡ് സംബന്ധിച്ച് എന്തെങ്കിലും പരാതിയുള്ളവര്‍ ‘centre change complaint’ എന്ന വിഷയം പരാമര്‍ശിച്ച് ഏപ്രില്‍ 20ന് വൈകിട്ട് 5നകം പ്രവേശന പരീക്ഷാ കമ്മീഷണറുടെ ഓഫീസില്‍ ലഭ്യമാക്കണം. ‘centre change complaint’ എന്ന വിഷയം പരാമര്‍ശിക്കാത്തതും ഏപ്രില്‍ 20ന് വൈകിട്ട് 5ന് ശേഷം ലഭിക്കുന്ന പരാതികളും പരിഗണിക്കുന്നതായിരിക്കില്ല. അന്വേഷണങ്ങൾക്കും വിവരങ്ങൾക്കും – ഫോണ്‍: 04712525300.