ചെറുപയര്‍ ഉപയോഗിച്ച് സദ്യയ്ക്ക് വിളമ്പുന്ന അതേ രുചിയില്‍ പരിപ്പുകറിയുണ്ടാക്കിയാലോ ? നല്ല കിടിലന്‍ രുചിയില്‍ നാടന്‍ രുചിയില്‍ പരിപ്പ് കറി തയ്യാറാക്കുന്നത് എങ്ങനെയെന്ന് നോക്കിയാലോ ?
ചേരുവകള്‍
1.ചെറുപയര്‍ പരിപ്പ് – ഒരു കപ്പ്, വറുത്തത്
മഞ്ഞള്‍പ്പൊടി – അര ചെറിയ സ്പൂണ്‍
ഉപ്പ് – പാകത്തിന്
2.തേങ്ങ ചുരണ്ടിയത് – ഒന്നരക്കപ്പ്
വെളുത്തുള്ളി – നാലു ചെറിയ അല്ലി
പച്ചമുളക് – രണ്ടു ചെറുത്
ജീരകം – മുക്കാല്‍ ചെറിയ സ്പൂണ്‍
3.വെളിച്ചെണ്ണ – ഒരു വലിയ സ്പൂണ്‍
കറിവേപ്പില – രണ്ടു തണ്ട്
പാകം ചെയ്യുന്ന വിധം
ഒന്നാമത്തെ ചേരുവ യോജിപ്പിച്ചു പാകത്തിനു വെള്ളം ചേര്‍ത്തു കുക്കറില്‍ വേവിക്കുക.
നന്നായി വെന്ത പരിപ്പ്, തവി കൊണ്ട് ഉടച്ചശേഷം രണ്ടാമത്തെ ചേരുവ മയത്തില്‍ അരച്ചതു ചേര്‍ത്തിളക്കി ചെറുതീയില്‍ വച്ചു നന്നായി യോജിപ്പിക്കുക.
Also Read : അരിയും ഉഴുന്നും ഒന്നും വേണ്ട ! അരിപ്പൊടിയുണ്ടെങ്കില്‍ 5 മിനുട്ടിനകം ദോശ റെഡി
അരപ്പിന്റെ പച്ചച്ചുവ മാറണം. എന്നാല്‍ കറി തിളയ്ക്കുവാനും പാടില്ല.
ഇതിലേക്കു വെളിച്ചെണ്ണയും കറിവേപ്പിലയും ചേര്‍ത്തിളക്കി അടുപ്പില്‍ നിന്നും വാങ്ങാം.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
