ഒരേ ഒരു ബീറ്റ്റൂട്ട് മതി, അഞ്ച് മിനുട്ടിനുള്ളില്‍ മധുരം കിനിയും ഹല്‍വ റെഡി, നല്ല കിടിലന്‍ രുചിയില്‍ മധുരമൂറുന്ന ഹല്‍വ തയ്യാറാക്കുന്നത് എങ്ങനെയെന്ന് നോക്കിയാലോ ?
ചേരുവകള്‍
ബീറ്റ്റൂട്ട് ഗ്രേറ്റ് ചെയ്തത്- 2 കപ്പ്
പാല്‍ – ഒന്നര കപ്പ്
പഞ്ചസാര – 3 ടേബിള്‍ സ്പൂണ്‍
ഏലയ്ക്ക പൊടിച്ചത്- ഒരു നുള്ള്
കശുവണ്ടി- 25 എണ്ണം
നെയ്യ് – 2 ടേബിള്‍ സ്പൂണ്‍
പാചകരീതി
പാനില്‍ നെയ്യൊഴിച്ച് കശുവണ്ടി വറുത്തുകോരി വെയ്ക്കുക.
നെയ്യിലേക്ക് ഗ്രേറ്റ് ചെയ്തുവെച്ചിരിക്കുന്ന ബീറ്റ്റൂട്ട് ചേര്‍ത്ത് ചെറിയ തീയില്‍ വഴറ്റുക.
ഇതിലേക്ക് പാല്‍ ചേര്‍ത്ത് നന്നായി ഇളക്കി യോജിപ്പിച്ച് അടച്ചുവെച്ച് വേവിക്കുക.
ഇടയ്ക്ക് അടിയില്‍ പിടിയ്ക്കാതെ നന്നായി ഇളക്കി കൊടുക്കണം.
പാല്‍ കുറുകി പാകമായി വരുമ്പോള്‍ പഞ്ചസാര ചേര്‍ത്ത് നന്നായി ഇളക്കുക.
കുറുകി പാകമായി വരുമ്പോള്‍ ഇതിലേക്ക് ഏലയ്ക്കാപ്പൊടിയും വറുത്തു വച്ചിരിക്കുന്ന കശുവണ്ടിയും ചേര്‍ക്കുക.
രണ്ട് മിനിട്ട് കൂടി പാകം ചെയ്യുക.
തുടര്‍ന്ന് തണുത്ത ശേഷം ചെറിയ ഉരുളകളാക്കിയ ശേഷം കഴിക്കാം.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
