ചാമ്പ്യൻസ് ലീഗ് നോക്കൗട്ട് പ്ലേ ഓഫ് ഡ്രോ പ്രഖ്യാപിച്ചു; ബെൻഫിക്കയും റയൽ മാഡ്രിഡുംവീണ്ടുംനേർക്കുനേർ

യുവേഫ ചാമ്പ്യൻസ് ലീഗ് നോക്കൗട്ട് ഘട്ടത്തിലെ പ്ലേ ഓഫ് ഡ്രോ പൂർത്തിയായി. അവസാന 16 ലേക്ക് പ്രവേശിക്കാനുള്ള പോരാട്ടത്തിൽ പങ്കെടുക്കുന്ന 16 ടീമുകൾക്ക് എതിരാളികളെ ഡ്രോയിൽ ലഭിച്ചു. യൂറോപ്യൻ ഫുട്ബോൾ ആരാധകർ കാത്തിരുന്ന നിരവധി ഹൈ-വോൾട്ടേജ് മത്സരങ്ങളാണ് പ്ലേ ഓഫിൽ ഒരുങ്ങുന്നത്.

ഡ്രോയിലെ ഏറ്റവും ശ്രദ്ധേയമായ പോരാട്ടമാണ് ബെൻഫിക്കയും റയൽ മാഡ്രിഡും തമ്മിലുള്ള ഏറ്റുമുട്ടൽ. ഫ്രഞ്ച് ക്ലബ്ബുകളായ മൊണാക്കോയും പാരിസും തമ്മിലുള്ള പോരാട്ടവും വലിയ ആവേശമാണ് സൃഷ്ടിക്കുന്നത്. നോർവീജിയൻ ക്ലബ്ബായ ബോഡോ/ഗ്ലിംറ്റ് ഇറ്റാലിയൻ ശക്തികളായ ഇന്ററിനെ നേരിടും. ഗലത്തസറേ–യുവന്റസ് പോരാട്ടവും ആരാധകർ കാത്തിരിക്കുന്നതാണ്.

Also Read: ടി20 റെക്കോർഡുകൾ തകർത്തെറിഞ്ഞ് ക്വിന്റൺ ഡി കോക്ക്; വിൻഡീസിനെതിരായ പരമ്പര ദക്ഷിണാഫ്രിക്കയ്ക്ക്

മറ്റ് മത്സരങ്ങളിൽ കരബാഖ്–ന്യൂകാസിൽ, ക്ലബ് ബ്രൂഗെ–അറ്റ്ലറ്റിക്കോ മാഡ്രിഡ്, ബൊറൂസിയ ഡോർട്മുണ്ട്–അറ്റലാന്റ, ഒളിമ്പിയാക്കോസ്–ലെവർകുസൻ എന്നീ ടീമുകൾ ഏറ്റുമുട്ടും.പ്ലേ ഓഫ് മത്സരങ്ങൾ ഫെബ്രുവരി 17,18 തീയതികളിലും രണ്ടാം പാദ മത്സരങ്ങൾ ഫെബ്രുവരി 24,25 തീയതികളിലുമാണ് നടക്കുക.