കാസർകോട് പത്താം ക്ലാസ് യാത്രയയപ്പ് ചടങ്ങ് ആഘോഷമാക്കാൻ കഞ്ചാവ് പാർട്ടിയുമായി വിദ്യാർഥികൾ. കാസർകോട് പൊലീസ് സ്റ്റേഷൻ പരിധിയിൽ കഴിഞ്ഞ ദിവസമാണ് കഞ്ചാവ് പാർട്ടി നടന്നത്. രഹസ്യവിവരത്തിന്റെ അടിസ്ഥാനത്തിൽ പൊലീസ് നടത്തിയ പരിശോധനയിലാണ് വിദ്യാർഥികളുടെ കൈയിൽ നിന്ന് കഞ്ചാവ് കണ്ടെത്തിയത്. ഇവർക്ക് കഞ്ചാവ് വിതരണം ചെയ്ത് കളനാട് സ്വദേശി കെകെ സമീറിനെയും പൊലീസ് പിടികൂടി.
കഞ്ചാവ് ഉപയോഗിക്കുകയും കൈവശം വെക്കുകയും ചെയ്തതിന് വിദ്യാർഥികൾക്കെതിരെ സോഷ്യൽ ബാക്ക്ഗ്രൗണ്ട് റിപ്പോർട്ട് തയ്യാറാക്കി ജില്ലാ പൊലീസ് മേധാവിക്ക് കൈമാറി. ഇയാൾക്കെതിരെ എൻഡിപിഎസ് ആക്ട് പ്രകാരവും, ജുവനൈൽ ജസ്റ്റിസ് ആക്ട് 77 പ്രകാരവും കേസ് രജിസ്റ്റർ ചെയ്തു.
ALSO READ; കൊച്ചിയിലെ ആതിര ഗോൾഡ് സ്വർണ നിക്ഷേപ തട്ടിപ്പ്: അന്വേഷണം ഊർജിതമാക്കി പൊലീസ്
അതേസമയം, കാസർഗോഡ് മഞ്ചേശ്വരത്ത് 74.8 ഗ്രാം എംഡിഎംഎയുമായി രണ്ടുപേർ പിടിയിലായി. മിയാപ്പദവ് ബേരിക്കെയിലെ സയ്യിദ് അഫ്രീദ് (25), ബുദ്രിയ ഹൗസിലെ എസ് മുഹമ്മദ് ഷമീർ (24) എന്നിവരാണ് അറസ്റ്റിലായത്. ഇന്നലെ രാത്രി മീഞ്ചയിൽ പോലീസ് നിർത്തിയ വാഹന പരിശോധനയ്ക്കിടെ ആണ് എംഡിഎംഎ കണ്ടെത്തിയത്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
