കാലം മാറുന്നതിന് അനുസരിച്ച് ആളുകൾ മാറിക്കൊണ്ടിരിക്കുകയാണ്. അതുപോലെ തന്നെയാണ് ആളുകളെ ജീവിതശൈലിയും മാറുന്നത്. പണ്ട് വിറകടുപ്പിൽ ആയിരുന്നു പാചകമെല്ലാം ആളുകൾ ചെയ്തിരുന്നത്. എന്നാൽ ഇന്ന് അതൊക്കെ മാറി, എല്ലാ വീടുകളിലും ഗ്യാസ് സ്റ്റൗ ഉണ്ടാവും. ഇത് ആളുകളെ ജോലി എളുപ്പത്തിലാക്കും. എന്നാൽ ഇതൊക്കെ എത്രത്തോളം സുരക്ഷിതമാണ് എന്നതിൽ വലിയ ഗ്യാരണ്ടി ഒന്നുമില്ല.
ഗ്യാസ് സ്റ്റൗ ഉപയോഗിക്കുമ്പോൾ നിങ്ങൾ അതിലെ തീയുടെ നിറം എപ്പോഴെങ്കിലും ശ്രദ്ധിച്ചിട്ടുണ്ടോ ? നീല നിറത്തില്‍ തീ കാണുന്നതിന് പകരം, ചുവപ്പും, ഓറഞ്ഞും മഞ്ഞ നിറത്തിലും തീ കാണാൻ സാധിക്കും. ശ്രദ്ധിച്ചിട്ടില്ലെങ്കിൽ ഇനി ശ്രദ്ധിക്കണം, കാരണം അതിൽ കാര്യമുണ്ട്.
ALSO READ: ആർക്കെങ്കിലും കൈ കൊടുത്താൽ ഷോക്ക് അടിക്കാറുണ്ടോ ? ഇതാണ് അതിനുള്ള കാരണം
സാധാരണ രീതിയില്‍ പാചകം ചെയ്യുമ്പോള്‍ ഗ്യാസിലെ തീയ്ക്ക് നീല നിറവും, ഇടയില്‍ ചെറിയ രീതിയില്‍ മഞ്ഞ നിറവുമാണ് കാണപ്പെടാറുള്ളത്. നീല നിറത്തിലാണ് തീ കത്തുന്നത് എങ്കില്‍ അതിനര്‍ത്ഥം ശരിയായ വിധത്തിലാണ് പ്രവര്‍ത്തിക്കുന്നത് എന്നാണ്. കൂടാതെ, നീലനിറത്തില്‍ തീ കത്തുമ്പോള്‍ ആരോഗ്യ പ്രശ്‌നങ്ങള്‍ വര്‍ദ്ധിക്കാനുള്ള സാധ്യതയും കുറവായിരിക്കും. എന്നാല്‍, നീല നിറത്തിനു പകരം, മഞ്ഞ നിറം, ഓറഞ്ച് നിറം എന്നിവയാണ് കാണുന്നതെങ്കില്‍ ഇവ അപകടകരമാണ്. ഇത് സൂചിപ്പിക്കുന്നത് കാര്‍ബണ്‍ മോണോക്‌സൈഡിന്റെ സാന്നിധ്യമാണ്. ഇവ പുറത്ത് വരുന്നത് ആരോഗ്യത്തിന് വളരെയധികം ദോഷകരമാണ്.
ഗ്യാസ് ഓണ്‍ ആക്കി സ്റ്റൗ ഓണ്‍ ആക്കിയാല്‍ തീ നേരെ, പ്രശ്‌നങ്ങളൊന്നും ഇല്ലാതെ കത്തുന്നുണ്ടെങ്കില്‍ ഭയക്കേണ്ട ആവശ്യമില്ല. എന്നാല്‍, മറിച്ച്, തീയുടെ ഷേയ്പ്പില്‍ വ്യത്യാസം, അതുപോലെ, കെട്ടു പോകുന്നതുപോലെ ഇരിക്കുന്നതുമെല്ലാം ഗ്യാസിന്റെ പ്രവര്‍ത്തനം ശരിയല്ല എന്ന സൂചനയാണ് നല്‍കുന്നത്. ഇത്തരത്തില്‍ തീ വരുന്നത് പാത്രങ്ങളില്‍ കറുത്ത പാടുകള്‍ വീഴുന്നതിലേയ്ക്ക് നയിക്കുന്നു.
ഗ്യാസില്‍ നിന്നും വരുന്ന തീയില്‍ വ്യത്യാസങ്ങള്‍ വരുന്നത് നൈട്രജന്‍ ഡൈഓക്‌സൈഡ്, കാര്‍ബണ്‍ മോണോസൈഡ് എന്നീ വിഷകരമായ വാതകങ്ങള്‍ പുറംതള്ളുന്നതിന് കാരണമാകുന്നു. ഇത്തരം വാതകങ്ങള്‍ വരുന്നത് ഹൃദ്രോഗങ്ങൡലേയ്ക്ക് നയിക്കാനുള്ള സാധ്യത കൂടുതലാണ്. അതുപോലെ, ശ്വാസകോശ സംബന്ധമായ അസുഖങ്ങള്‍ വര്‍ദ്ധിക്കുന്നതാണ്. ലൂക്കേമിയ പോലെയുള്ള അസുഖങ്ങള്‍ വരാനും ഇവ കാരണമാകുന്നു. അതിനാല്‍, ഗ്യാസ് സ്റ്റൗ ഉപയോഗിക്കുമ്പോള്‍ തീയുടെ നിറം ശ്രദ്ധിക്കേണ്ടത് അനിവാര്യമാണ്.
ഗ്യാസ് സ്റ്റൗ ഉപയോഗിച്ചാല്‍ ശരിയായ വിധത്തില്‍ ക്ലീന്‍ ചെയ്ത് സൂക്ഷിക്കേണ്ടത് അനിവാര്യമാണ്. രാത്രി കിടക്കുന്നതിന് മുന്‍പ് ഗ്യാസ് സ്റ്റൗവ്വില്‍ പറ്റിപ്പിടിച്ചിരിക്കുന്ന മാലിന്യങ്ങളും ഭക്ഷണാവശിഷ്ടങ്ങളും തുടച്ച് നീക്കം ചെയ്യുക. അതുപോലെ, ബര്‍ണര്‍ എല്ലാം ഇടയ്ക്ക് ക്ലീന്‍ ചെയ്യുന്നത് നല്ലതാണ്. എന്തുപയോഗിച്ചാലും അത് ശരിയായ രീതിയിൽ ആണോ പ്രവർത്തിക്കുന്നത് എന്ന് ഇടയ്ക്ക് ശ്രദ്ധിക്കുന്നത് വളരെ നല്ലതായിരിക്കും.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
