പുത്തൻ സിനിമകൾ തിയേറ്ററിൽ കണ്ടാൽ മതി!..; വ്യജപതിപ്പ് പ്രചരിപ്പിക്കുന്നതിനെതിരെ ടെലി​ഗ്രാമിന് കേന്ദ്രത്തി​ന്റെ നോട്ടീസ്

ഇന്ത്യയിൽ താത്കാലിക നിരോധനം ഏർപ്പെടുത്തിയതിന് പിന്നാലെ ടെലി​ഗ്രാമിന് വീണ്ടും കുരുക്ക്. പകർപ്പവകാശമുള്ള സിനിമകളും ഓടിടി ഉള്ളടക്കങ്ങളും വ്യാപകമായി പ്രചരിപ്പിക്കുന്നതിന് കേന്ദ്ര വാർത്താ വിതരണ മന്ത്രാലയമാണ് നോട്ടീസയച്ചത്. ഈ നോട്ടീസിൽ എന്തു നടപടിയാണ് സ്വീകരിച്ചതെന്ന് ടെലി​ഗ്രാം 15 ദിവസത്തിനകം വിശദീകരണവും നൽകണം.

സിനിമാ നിർമാതാക്കൾ, ഓടിടി പ്ലാറ്റ്ഫോമുകൾ വിതരണക്കാർ തുടങ്ങിയവർ നൽകിയ പരാതിയുടെ അടിസ്ഥാനത്തിലാണ് കേന്ദ്രത്തി​ന്റെ നടപടി. പുതിയ സിനിമകളും മറ്റും റിലീസായി ദിവസങ്ങൾക്കകം തന്നെ ടെലി​ഗ്രാമിൽ പ്രത്യക്ഷപ്പെടാറുണ്ട്. ഇതാണ് നടപടിയെടുക്കാൻ കാരണം.

ഇതിനു മുമ്പും ഇത്തരത്തിൽ വ്യാജപതിപ്പുകൾ പ്രചരിപ്പിക്കുന്നതിനെതിരെ നടപടി സ്വീകരിക്കാൻ ടെലി​ഗ്രാമിന് കേന്ദ്രം നോട്ടീസയച്ചിരുന്നു. 3000 ത്തിലേറെ സിനിമകൾക്കെതിരെ നടപടി സ്വീകരിക്കാനായിരുന്നു കേന്ദ്രത്തി​ന്റെ നിർദേശം.

Also Read: ഫോൺ ഉപയോ​ഗിച്ച് ആധാർ അപ്ഡേറ്റ് ചെയ്യാം; ആറ് മാസത്തേക്ക് സേവനം സൗജന്യം

നീറ്റ് – യുജി പുനഃപരീക്ഷാ ബന്ധപ്പെട്ടും ടെലി​ഗ്രാമിനെതിരെ മുമ്പ് നടപടി സ്വീകരിച്ചിരുന്നു. ജൂൺ 21 ന് നടക്കുന്ന പരീക്ഷക്ക് ജൂൺ 22 വരെ താത്കാലിക നിയന്ത്രണം ഏർപ്പെടുത്തുകയായിരുന്നു.