ഗുസ്തി താരങ്ങളായ ബജ്‌റംഗ് പൂനിയയ്ക്കും വിനേഷ് ഫോഗട്ടിനും ആശ്വാസമായി ഹൈക്കോടതി വിധി. ഇരുവർക്കും ട്രയൽസിൽ പങ്കെടുക്കാതെ നേരിട്ട് ഏഷ്യൻ ഗെയിംസിലേക്ക് പ്രവേശനം നൽകാനുള്ള ഇന്ത്യൻ ഒളിമ്പിക് അസോസിയേഷന്റെ (ഐഒഎ) തീരുമാനം ഡൽഹി ഹൈക്കോടതി ശനിയാഴ്ച ശരിവച്ചു.ഐഒഎ തീരുമാനത്തെ ചോദ്യം ചെയ്ത് ഗുസ്തി താരങ്ങളായ ആന്റിം പംഗലും സുജീത് കൽക്കലും നൽകിയ ഹർജി ജസ്റ്റിസ് സുബ്രഹ്മണ്യം പ്രസാദ് തള്ളി.ഐഒഎയുടെ ഈ തീരുമാനത്തെ പല ജൂനിയർ ഗുസ്തി താരങ്ങളും ശക്തമായി എതിർത്തു.
ട്രയൽസിലൂടെ കടന്നുപോകാതെ ഈ വർഷത്തെ ഏഷ്യൻ ഗെയിംസിലേക്കുള്ള പുനിയയുടെയും ഫോഗട്ടിന്റെയും പ്രവേശനത്തെ ചോദ്യം ചെയ്താണ് പംഗലും കൽക്കലും ഹൈക്കോടതിയെ സമീപിച്ചത്. ഒരു കായികതാരത്തിനും ഇളവ് നൽകരുതെന്നും വിചാരണ ന്യായമായ രീതിയിൽ നടത്തണമെന്നും മുഴുവൻ നടപടികളും വീഡിയോയിൽ പകർത്തണമെന്നും ആണ് ഇവർ ഹർജിയിൽ ആവശ്യപ്പെട്ടത് .പംഗൽ നിലവിൽ അണ്ടർ 20 ലോക ചാമ്പ്യനും കൽക്കൽ അണ്ടർ 23 ഏഷ്യൻ ചാമ്പ്യനുമാണ്.
also read :വനിതാ ലോകകകപ്പിൽ സാമ്പിയക്കെതിരെ നടന്ന മത്സരത്തിൽ ജപ്പാന് വമ്പൻ ജയം
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
