രാത്രി ഉറങ്ങുന്നതിന് മുൻപ് കുളിക്കുമോ? എങ്കിൽ ഇതറിയാതെ പോകല്ലേ?

bathing

സമയം രാത്രി ആയില്ലേ? ഇനി കുളിക്കണോ? പലരുടെയും സ്ഥിരമായുള്ള ചോദ്യമാണിത്. ചിലർ രാവിലെയൊന്ന് കുളിച്ചാൽ പിന്നീട് കുളിക്കില്ല. മറ്റ്‌ ചിലരാകട്ടെ രാവിലെയും വൈകിട്ടും കുളിക്കും. ശരിക്കും ഈ രാത്രിയിലെ കുളിക്ക് അർത്ഥമുണ്ടോ? രാവിലെ ഒന്ന് കുളിച്ചാൽ രാത്രി പിന്നെ കുളിക്കണോ? അഥവാ രാത്രി കുളിച്ചാലും അതുകൊണ്ട് ഗുണം വല്ലതുമുണ്ടോ? എങ്കിൽ കേട്ടോളൂ… രാത്രിയിലെ കുളി പതിവാക്കുന്നത് നല്ലതാണ്. എന്തെന്നാൽ ചർമ്മാരോഗ്യം, മുടിയുടെ ആരോഗ്യം എന്നിവ മുതൽ നല്ല ഉറക്കം കിട്ടാനും റിലാക്സ് ആകാനും രാത്രിയിലെ കുളി ഏറെ സഹായിക്കും. രാത്രിയിലെ കുളിയുടെ ഗുണങ്ങൾ എന്തൊക്കെയെന്ന് ഒന്ന് ചുരുക്കത്തിൽ അറിയാം.

മുഖക്കുരു ഉണ്ടാകുന്നത് തടയാം:

നിങ്ങൾ എവിടെയെങ്കിലുമൊക്കെ യാത്ര പോയിട്ട് വന്നെന്ന് ഇരിക്കട്ടെ. ഉറക്കം വന്ന് പെട്ടെന്ന് കിടക്കുന്നവർ അനവധിയുണ്ട്. പൊടിയും വിയർപ്പുമൊക്കെയായി ഇങ്ങനെ കിടന്നുറങ്ങുന്നത് മുഖക്കുരു അടക്കം വരാൻ സാധ്യതയുണ്ട്. അതുകൊണ്ട് തന്നെ കിടക്കുന്നതിന് മുൻപ് കുളിക്കുന്നത് ഏറെ നല്ലതാണ്. സിങ്ക് സോപ്പ് ഇത്തരം ഘട്ടങ്ങളിൽ ഉപയോഗിക്കുന്നതാകും നല്ലത്.

റിലാക്സേഷൻ

രാത്രി ഉറങ്ങുന്നതിന് മുൻപ് കുളിക്കുന്നത് ഒരു റിലാക്സ്ഡ് മൂഡ് നൽകും. ഒരു ഫ്രഷ്‌നൻസ് ഫീൽ ചെയ്യാൻ ഇതേറെ സഹായിക്കും എന്നാണ് പഠനങ്ങൾ വ്യക്തമാകുന്നത്. മികച്ച ഉറക്കം കിട്ടാനും ഇതേറെ സഹായിക്കും. രാത്രിയിലുള്ള കുളി പിരിമുറുക്കവും ഉത്കണ്ഠയും ലഘൂകരിക്കുകയും വിശ്രമം പ്രോത്സാഹിപ്പിക്കുകയും ചെയ്യുമെന്നും ചില പഠനങ്ങൾ പറയുന്നുണ്ട്.

മികച്ച ചർമ്മാരോഗ്യം നിലനിർത്താം

ഗ്രോത്ത് ഹോർമോണുകൾ, സെക്സ് ഹോർമോണുകൾ എന്നിവയുടെ പ്രവർത്തനം രാത്രി സമയം ഉച്ചസ്ഥായിയിലെത്തും. അതുകൊണ്ട് തന്നെ രാത്രിയിൽ കുളിക്കുന്നത് ചർമ്മത്തിൻ്റെ ഉപരിതലത്തിൽ നിന്ന് ഏതെങ്കിലും ബാഹ്യ ഉത്തേജനം നീക്കം ചെയ്യുകയും നിങ്ങളുടെ ഹോർമോണുകളെ നിലനിർത്തുകയും ചെയ്യും. രാത്രി കുളിക്കുന്നത് വഴി ചർമത്തിലുള്ള ഹോർമോണുകൾ കൂടുതൽ കാര്യക്ഷമമായി പ്രവർത്തിക്കുമെന്നും പറയാം.

മുടിയുടെ ആരോഗ്യത്തിന് രാത്രിയിലെ കുളിയുമായി എന്തുബന്ധം?

മുടിയുടെ കാര്യം നോക്കിയാൽ, രാത്രിയിൽ മുടി കഴുകുന്നത് വഴി നിങ്ങൾക്ക് മുടി വേഗത്തിൽ എയർ ട്രൈ ചെയ്യാൻ കഴിയും. ഇത് ഈർപ്പം തടഞ്ഞുനിർത്താനേറെ സഹായിക്കും. മുടിയിൽ അടിഞ്ഞുകൂടിയ പൊടി, അഴുക്ക് എന്നിവ നീക്കം ചെയ്യാനും രാത്രിയിലെ കുളിയിലൂടെ കഴിയും.

whatsapp

കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക

Click Here
bhima-jewel
bhima-jewel
stdy-uk

Latest News