സംസ്ഥാനത്ത് ആദ്യമായി ന്യൂക്ലിയര് മെഡിസിനില് പിജി സീറ്റുകള് അനുവദിച്ചു. കോഴിക്കോട് മെഡിക്കല് കോളേജിനാണ് സീറ്റുകള് അനുവദിച്ചത്. രാജ്യത്ത് സ്റ്റേറ്റ് മെഡിക്കല് കോളേജുകളില് ആദ്യമായാണ് ന്യൂക്ലിയര് മെഡിസിന് പിജി പഠനം സാധ്യമാകുന്നത്. ആരോഗ്യമന്ത്രി വീണാ ജോർജാണ് ഇക്കാര്യം ഫേസ്ബുക്ക് പോസ്റ്റിലൂടെ അറിയിച്ചത്. അതോടൊപ്പം മലബാര് കാന്സര് സെന്ററില് റേഡിയേഷന് ഓങ്കോളജിയില് പിജി സീറ്റുകള് അനുവദിക്കപ്പെട്ടു. ന്യൂക്ലിയര് മെഡിസിനിലേയും റേഡിയേഷന് ഓങ്കോളജിയിലേയും ഉള്പ്പെടെ പിജി സീറ്റുകള് കേരളത്തിന്റെ കാന്സര് ചികിത്സാരംഗത്തിന് കൂടുതല് കരുത്ത് പകരും. 81 പുതിയ പിജി സീറ്റുകള്ക്കാണ് കേരളത്തിന് ഇത്തവണ എന്എംസി അനുമതി നല്കിയത്. ഇതിന്റെ കണക്കും മന്ത്രി പോസ്റ്റിൽ പറയുന്നുണ്ട്.
മെഡിക്കൽ കോളേജുകൾക്കായി 270 അധ്യാപക തസ്തികകൾ സൃഷ്ടിച്ചിരുന്നു. ഇതിന്റെ കൂടി അടിസ്ഥാനത്തിലാണ് പി ജി സീറ്റുകൾ ലഭ്യമായത്. തിരുവനന്തപുരം മെഡിക്കൽ കോളേജിൽ ഇൻഫെക്ഷ്യസ് ഡിസീസ് വിഭാഗത്തിലും, ക്രിട്ടിക്കൽ കെയർ വിഭാഗത്തിലും പിജി സീറ്റുകൾ അനുവദിക്കാനുള്ള നടപടികൾ ആരംഭിച്ചതായും മന്ത്രി അറിയിച്ചു.
പോസ്റ്റിന്റെ പൂർണരൂപം
സംസ്ഥാനത്ത് ആദ്യമായി ന്യൂക്ലിയര് മെഡിസിനില് പിജി സീറ്റുകള് അനുവദിച്ചു. കോഴിക്കോട് മെഡിക്കല് കോളേജിനാണ് സീറ്റുകള് അനുവദിച്ചത്. രാജ്യത്ത് സ്റ്റേറ്റ് മെഡിക്കല് കോളേജുകളില് ആദ്യമായാണ് ന്യൂക്ലിയര് മെഡിസിന് പിജി പഠനം സാധ്യമാകുന്നത്. മലബാര് കാന്സര് സെന്ററില് റേഡിയേഷന് ഓങ്കോളജിയില് പിജി സീറ്റുകള് അനുവദിക്കപ്പെട്ടു. ന്യൂക്ലിയര് മെഡിസിനിലേയും റേഡിയേഷന് ഓങ്കോളജിയിലേയും ഉള്പ്പെടെ പിജി സീറ്റുകള് കേരളത്തിന്റെ കാന്സര് ചികിത്സാരംഗത്തിന് കൂടുതല് കരുത്ത് പകരും. 81 പുതിയ പിജി സീറ്റുകള്ക്കാണ് കേരളത്തിന് ഇത്തവണ എന്എംസി അനുമതി നല്കിയത്.
ആലപ്പുഴ മെഡിക്കല് കോളേജ് 17,
എറണാകുളം മെഡിക്കല് കോളേജ് 15, കണ്ണൂര് മെഡിക്കല് കോളേജ് 15,
കൊല്ലം മെഡിക്കല് കോളേജ് 30, കോഴിക്കോട് മെഡിക്കല് കോളേജ് 2, മലബാര് കാന്സര് സെന്റര് (എംസിസി) 2
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
