ആധുനിക തൊഴിൽ ജീവിതം പലപ്പോഴും വലിയ സമ്മർദ്ദങ്ങൾ നിറഞ്ഞതാണ്. അനന്തമായി നീളുന്ന മീറ്റിംഗുകളും നിരന്തരമായ അറിയിപ്പുകളും ശരീരത്തെയും മനസ്സിനെയും ഒരുപോലെ ക്ഷീണിപ്പിക്കുന്നു. ഇത് സമ്മർദ്ദം വർദ്ധിപ്പിക്കുകയും ഊർജ്ജം കുറയ്ക്കുകയും ശ്രദ്ധ നഷ്ടപ്പെടുത്തുകയും ചെയ്യുന്നു. ഈ അവസ്ഥയിൽ, ശരീരത്തിനും മനസ്സിനും സന്തുലിതാവസ്ഥ നൽകാനും ഏകാഗ്രത വർദ്ധിപ്പിക്കാനും ദിവസം മുഴുവൻ ഊർജ്ജസ്വലത നിലനിർത്താനും യോഗ ഒരു മികച്ച മാർഗമാണ്. തിരക്കിട്ട പ്രൊഫഷണലുകൾ ഏതാനും മിനിറ്റുകൾ മാത്രം നിങ്ങളുടെ ആരോഗ്യത്തെ പരിപാലിക്കാൻ ചെലവഴിച്ചു കഴിഞ്ഞാല് വലിയ മാറ്റമുണ്ടാക്കാൻ കഴിയും.
ജോലി പൂർത്തിയാക്കാൻ വിശ്രമം ഒഴിവാക്കുന്നത് പലർക്കും ഒരു പതിവ് ശീലമായി മാറിയിട്ടുണ്ട്. ഇത് ഉത്പാദനക്ഷമതയെയും ആരോഗ്യത്തെയും ബാധിക്കുന്നു. അത്തരത്തിലുള്ള നിങ്ങളുടെ ജീവിതത്തില് ചെറിയ മാറ്റം വരുത്താൻ യോഗക്ക് കഴിയും.
ALSO READ: ഇന്ത്യയില് ജീവിതശൈലീ രോഗങ്ങള് മൂലമുള്ള മരണങ്ങളില് വന് വര്ദ്ധനവ്
നല്ല ചിന്തയ്ക്കും ജോലി ചെയ്യുന്നതിനും ഉറക്കം അത്യാവശ്യമാണ്. യോഗ നിദ്ര, പ്രാണായാമം പോലുള്ള യോഗാഭ്യാസങ്ങൾ മാനസിക പിരിമുറുക്കം കുറയ്ക്കുകയും, മനസ്സിനെ ശാന്തമാക്കുകയും, ഉറക്കം മെച്ചപ്പെടുത്തുകയും ചെയ്യുന്നു.
യോഗ ഹൃദയത്തെയും രക്തചംക്രമണത്തെയും സംരക്ഷിക്കുന്നു
മണിക്കൂറുകളോളം ഇരിക്കുന്നത് ഹൃദയത്തിന് ആയാസമുണ്ടാക്കുകയും രക്തചംക്രമണത്തെ ബാധിക്കുകയും ക്ഷീണം വർദ്ധിപ്പിക്കുകയും ചെയ്യും. കപോതാസൻ, വൃശ്ചികാസൻ പോലുള്ള യോഗാസനങ്ങൾ ശ്വാസം നിയന്ത്രിച്ച് ചെയ്യുന്നതിലൂടെ രക്തയോട്ടം മെച്ചപ്പെടുത്താനും ഊർജ്ജം നിലനിർത്താനും സഹായിക്കുന്നു. മികച്ച രക്തചംക്രമണം ശരീരത്തിൻ്റെ നില മെച്ചപ്പെടുത്തുകയും, കൂടുതൽ സമയം ജോലി ചെയ്യുമ്പോൾ പോലും ഊർജ്ജസ്വലതയോടെ ഇരിക്കാൻ സഹായിക്കുകയും ചെയ്യുന്നു.
ദഹനത്തെ സഹായിക്കുന്നു
തിരക്കേറിയ ജീവിതത്തിൽ ഭക്ഷണം ഒഴിവാക്കുന്നതും കാപ്പി പോലുള്ള പാനീയങ്ങളെ അമിതമായി ആശ്രയിക്കുന്നതും ദഹനത്തെ മന്ദഗതിയിലാക്കുകയും ഊർജ്ജം കുറയ്ക്കുകയും ചെയ്യും. അർദ്ധ മത്സ്യേന്ദ്രാസൻ പോലുള്ള വളഞ്ഞുള്ള ആസനങ്ങള്, ഭുജംഗാസൻ പോലുള്ള പുറകോട്ട് വളയുന്ന ആസനങ്ങളും, കപാലഭാതി പോലുള്ള ശ്വസന വ്യായാമങ്ങളും ദഹനത്തെ ഉത്തേജിപ്പിക്കുകയും വിഷാംശം ഇല്ലാതാക്കാൻ സഹായിക്കുകയും ചെയ്യുന്നു. ഇത് ഊർജ്ജം നിലനിർത്താനും തുടർച്ചയായി മീറ്റിംഗുകളിൽ പങ്കെടുക്കുമ്പോള് ശ്രദ്ധ വർദ്ധിപ്പിക്കാനും ജോലിയുടെ പ്രകടനത്തെ ബാധിക്കുന്ന ക്ഷീണം ഒഴിവാക്കാനും സഹായിക്കുന്നു.
ദൈനംദിന ജീവിതത്തിൽ യോഗ ഉൾപ്പെടുത്തുന്നത് ശരീരത്തെ ശക്തിപ്പെടുത്തുകയും മനസ്സിനെ ശാന്തമാക്കുകയും തൊഴിലിടങ്ങളിലെ പ്രതിരോധശേഷി വർദ്ധിപ്പിക്കുകയും ചെയ്യുന്നു. ശാരീരികമായ ഗുണങ്ങൾക്കപ്പുറം, യോഗ തീരുമാനമെടുക്കാനുള്ള കഴിവും ഏകാഗ്രതയും വർദ്ധിപ്പിക്കുന്നു. ചെറിയ രീതിയില് ചെയ്യുന്ന യോഗാഭ്യാസം പോലും, സമ്മർദ്ദത്തെ എളുപ്പത്തിൽ കൈകാര്യം ചെയ്യാനും ശാന്തമായ മനസ്സോടെ ശ്രദ്ധയോടെ പ്രവർത്തിക്കാനും പ്രൊഫഷണലുകളെ സഹായിക്കും.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
