ഓഹരി വിപണിയിൽ കനത്ത നഷ്ടം; ആയിരത്തിലേറെ പോയിന്റുകൾ ഇടിഞ്ഞ് സെൻസെക്‌സ്

വാരാന്ത്യ വ്യാപാരത്തിലെ കനത്ത വില്പനസമ്മർദ്ദത്തിന് പിന്നാലെ ഓഹരി വിപണിയിൽ കനത്ത നഷ്ടം. സെൻസെക്‌സ് 1,092 പോയിന്റ് ഇടിഞ്ഞ് 74,775.74-ലും നിഫ്റ്റി 359 പോയിന്റ് താഴ്ന്ന് 23,547.75-ലുമാണ് ഇന്ന് വ്യാപാരം അവസാനിപ്പിച്ചത്. ബാങ്കിങ് മിഡ്ക്യാപ് ഓഹരികളിൽ കനത്ത നഷ്ടമാണ് ഇന്ന് കാണാൻ കഴിഞ്ഞത്.

പൊതുവായുള്ള നഷ്ടത്തിനിടയിലും സെൻസെക്സിൽ നേട്ടം കൊയ്ത പ്രധാന ഓഹരികൾ ടെക് മഹീന്ദ്ര, എച്ച്‌സിഎൽ ടെക്‌നോളജീസ്, വിപ്രോ, ലാർസൻ & ട്യൂബ്രോ, നെസ്‌ലെ ഇന്ത്യ, ഇൻഫോസിസ് എന്നിവയാണ്. അതേസമയം ഇന്റർഗ്ലോബ് ഏവിയേഷൻ, മാക്സ് ഹെൽത്ത്കെയർ ഇൻസ്റ്റിറ്റ്യൂട്ട്, ഓയിൽ ആൻഡ് നാച്ചുറൽ ഗ്യാസ് കോർപ്പറേഷൻ, ടാറ്റ സ്റ്റീൽ, ഐഷർ മോട്ടോഴ്സ്, ബജാജ് ഓട്ടോ എന്നിവ നഷ്ടത്തിൽ അവസാനിച്ചു.

Also Read: വി.ഡി സതീശനെ വിമർശിച്ച് സമൂഹ മാധ്യമങ്ങളിൽ പോസ്റ്റ്‌; സ്കൂൾ പ്രിൻസിപ്പലിനു സസ്പെൻഷൻ

നിഫ്റ്റി 50 ൽ ആകട്ടെ മാക്സ് ഹെൽത്ത്കെയർ ഇൻസ്റ്റിറ്റ്യൂട്ട്, ഇൻഡിഗോ, ഐഷർ മോട്ടോഴ്സ് എന്നിവ പ്രധാന നേട്ടക്കാരായപ്പോൾ ഒഎൻജിസി, ഏഷ്യൻ പെയിന്റ്സ്, എംസിഎക്സ്, ഭാരത് ഡൈനാമിക്സ്, പിബി ഫിൻടെക്, ജിഎംആർ എയർപോർട്ടുകൾ എന്നിവ നഷ്ടങ്ങളിൽ മുന്നിട്ടു നിന്നു.