വയനാട് ജില്ലയിൽ റെഡ് അലർട്ട് പ്രഖ്യാപിച്ചിരിക്കുന്നതിനാലും കനത്ത മഴ തുടരുന്ന സാഹചര്യത്തിലും ജില്ലയിലെ പ്രൊഫഷണൽ കോളേജുകൾ ഉൾപ്പെടെയുള്ള വിദ്യാലയങ്ങൾക്ക് അവധി പ്രഖ്യാപിച്ചു. അങ്കണവാടികൾ, മദ്രസകൾ, ട്യൂഷൻ സെന്‍ററുകൾ, സ്പെഷ്യൽ ക്ലാസുകൾ എന്നിവക്കടക്കം നാളെ (15/06/2025) അവധി പ്രഖ്യാപിച്ചിട്ടുണ്ട്. റസിഡൻഷ്യൽ സ്കൂളുകൾക്കും റസിഡൻഷ്യൽ കോളേജുകൾക്കും ബാധകമല്ല. ഞായർ പ്രവർത്തിക്കുന്ന, റെസിഡൻഷ്യൽ അല്ലാത്ത, ജില്ലയിലെ എല്ലാ അക്കാദമിക് വിദ്യാഭ്യാസ സ്ഥാപനങ്ങളോടൊപ്പം എല്ലാ മത പഠന സ്ഥാപനങ്ങൾക്കും നാളത്തെ (15-6-25) അവധി ബാധകമാണ്.
മലബാര്‍ മേഖലയില്‍ അതിശക്തമായ മഴ തുടരുകയാണ്. നാശനഷ്‌sങ്ങള്‍ ഇതുവരെ റിപ്പോര്‍ട്ട് ചെയ്തിട്ടില്ല. വരും ദിവസങ്ങളിലും മഴ കനക്കുമെന്നാണ് കലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്. പാലക്കാട് ഒഴികെയുള്ള മലബാര്‍ മേഖലയിലെ ജില്ലകളില്‍ അതിതീവ്ര മഴ മുന്നറിയിപ്പാണ് നിലനില്‍ക്കുന്നത്. ഇടവിട്ട് ശക്തമായ മഴ തുടരുകയാണ്. കോഴിക്കോട് ജില്ലയില്‍ ക്വാറികളുടെ പ്രവര്‍ത്തനത്തിനും ഖനനത്തിനും നിരോധനം ഏര്‍പ്പെടുത്തി. ബീച്ചുകള്‍ ഉള്‍പ്പെടെ ജലാശയങ്ങളിലേക്കും നിരോധനം ഏര്‍പ്പെടുത്തിയിട്ടുണ്ട്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
