കയ്പ്പില്ലാതെ പാവയ്ക്ക കഴിച്ചാലോ? ഇവ കൂടി ചേർത്ത് പാകം ചെയ്തോളൂ

ഒരുപാട് പോഷക​ഗുണങ്ങളുള്ള ഒരു പച്ചക്കറിയാണ് പാവയ്ക്ക. ​ദഹനം മെച്ചപ്പെടുത്താനും പ്രമേഹം നിയന്ത്രിക്കാനും രക്തം ശുദ്ധീകരിക്കാനും ആരോ​ഗ്യ വിദ​ഗ്ദർ കൂടുതലും നിർദേശിക്കുന്നത് പാവയ്ക്ക കഴിക്കാനാണ്. കരളിലെ വിഷാംശം ഇല്ലാതാക്കാനും ചർമരോ​ഗങ്ങൾ തടയാനും പാവയ്ക്ക കഴിക്കുന്നത് ​ഗുണം ചെയ്യും. എന്നാൽ കയ്പ്പ് കാരണം പാവയ്ക്ക പലരും ഭക്ഷണത്തിൽ ഉൾപ്പെടുത്താൻ മടിക്കാറുണ്ട്. എന്നാൽ പാവയ്ക്കയുടെ കയ്പ് ഇല്ലാതാക്കാൻ ചില പൊടിക്കൈകൾ പരീക്ഷിച്ചാലോ.

also read: ചുവന്നുള്ളിയുടെ തൊലി കളയുന്നത് ഇനി ഇരട്ടിപ്പണിയല്ല; കിടിലൻ ടിപ്സ് ഇതാ

• തെെരിന്റെ പുളി പാവയ്‌ക്കയുടെ കയ്പ്പ് കുറയ്ക്കാൻ സഹായിക്കും. പാകം ചെയ്യാനായി അരിഞ്ഞുവച്ച പാവയ്ക്ക 15 അല്ലെങ്കിൽ 20 മിനിട്ട് തെെരിൽ ഇട്ടുവയ്ക്കുക. അതിനുശേഷം ചെറുതായി കഴുകി പാകം ചെയ്യാം. ഇത് കയ്പ്പ് കുറയ്ക്കാൻ സഹായിക്കുന്നു.
• പുളി ഉപയോഗിച്ചും പാവയ്ക്കയുടെ കയ്പ്പ് കുറയ്ക്കാം. പാവയ്ക്ക പാകം ചെയ്യുമ്പോൾ അതിൽ അൽപം പുളിവെള്ളം ചേർത്താൽ മാത്രം മതി. ഇത് കയ്പ്പ് കുറയ്ക്കാനും രുചി വർദ്ധിപ്പിക്കാനും സഹായിക്കും.
• മഞ്ഞൾപ്പൊടിയിലുള്ള ചില ഘടകങ്ങൾ പാവയ്ക്കയുടെ കയ്പ്പ് കുറയ്ക്കാൻ സഹായിക്കും. അരിഞ്ഞ പാവയ്ക്കയിൽ മഞ്ഞൾപ്പൊടിയും അൽപം ഉപ്പും ചേർത്ത് യോജിപ്പിച്ച് 10 അല്ലെങ്കിൽ 15 മിനിട്ട് വയ്ക്കുക. അതിനുശേഷം ചെറുതായി പിഴിഞ്ഞെടുത്ത് പാകം ചെയ്യാം.