കിസ്സിംഗ് ബഗ് /Kissing Bug

സിനോപ്സിസ്

സ്കൂൾ പഠനം ഉപേക്ഷിച്ച്, അർജന്റീന-ബ്രസീൽ അതിർത്തിയിലൂടെ മൊബൈൽ ഫോണുകൾ കള്ളക്കടത്ത് നടത്തി പണമുണ്ടാക്കുന്ന ഒരു കൗമാരക്കാരനാണ് ചിത്രത്തിലെ കേന്ദ്ര കഥാപാത്രം. പോലീസ് പിടിയിലാകുന്നതോടെ, അവൻ പോലീസിന് വിവരം നൽകുന്നയാളായി പ്രവർത്തിക്കാൻ നിർബന്ധിതനാകുന്നു. ഇതിനായി പുതിയൊരു ഐഡന്റിറ്റി സ്വീകരിച്ച്, അയൽ നഗരത്തിലേക്ക് മാറുന്ന അവൻ, അവിടെയുള്ള ഒരു സ്കൂളിൽ ചേരുകയും ജാരാ എന്ന പ്രാദേശിക മയക്കുമരുന്ന് തലവന്റെ മക്കളുമായി അടുക്കുകയും വേണം. നുണകളും, പ്രണയവും, വഞ്ചനയും നിറഞ്ഞ ഈ ലോകത്ത്, പ്രശ്നക്കാരനായ ഒരു പോലീസുകാരനൊപ്പം താമസിക്കേണ്ടി വരുന്ന അവന്റെ അതിജീവനമാണ് ചിത്രം പറയുന്നത്.

അണിയറ പ്രവർത്തകർ

തിരക്കഥ: ലൂയിസ് സൊറാക്വിൻ, ലോറ അവില

ഛായാഗ്രഹണം: എഡു റാബിൻ

ചിത്രസംയോജനം: ഫ്രാൻസിസ്കോ ഫ്രീക്സ, ബ്രൂണോ ഓട്രാൻ

സംഗീതം: പെഡ്രോ സാന്തിയാഗോ

ശബ്ദലേഖനം: ജാവിയർ സ്റ്റാവ്രോസ്

കലാസംവിധാനം: ക്രിസ്റ്റ്യൻ ഹരിക

നിർമ്മാണം: എസ്റ്റെബാൻ ലുകാംജിയോളി (Esteban Lucangioli), ബ്രൂണോ ഓട്രാൻ (Co-producer)

സംവിധായകനെക്കുറിച്ച്

1980-ൽ ബ്യൂണസ് അയറിസിൽ ജനിച്ച തിരക്കഥാകൃത്തും സംവിധായകനുമാണ് ലൂയിസ് സൊറാക്വിൻ. FUC സിനിമ യൂണിവേഴ്സിറ്റിയിൽ നിന്ന് ചലച്ചിത്ര പഠനം പൂർത്തിയാക്കിയ അദ്ദേഹം പരസ്യരംഗത്താണ് കരിയർ ആരംഭിച്ചത്. 2016-ൽ പുറത്തിറങ്ങിയ അദ്ദേഹത്തിന്റെ ആദ്യ ഫീച്ചർ ഫിലിമായ ‘ഗ്വാറാനി’ അർജന്റീന-പരാഗ്വേ സഹനിർമ്മാണ സംരംഭമായിരുന്നു. അദ്ദേഹത്തിന്റെ രണ്ടാമത്തെ ഫീച്ചർ ഫിലിമാണ് ‘കിസ്സിംഗ് ബഗ്’.