ബിഫോർ ദി ബോഡി (Before The Body)

സിനോപ്സിസ് (Synopsis)

വിചിത്ര സ്വഭാവക്കാരനായ എഴുത്തുകാരൻ ലൂയിസിനെ പരിചരിക്കുന്ന നഴ്‌സാണ് അന. ജീവിതത്തിന്‍റെ അവസാന നാളുകളിലൂടെ കടന്നുപോകുകയാണ് ലൂയിസ്. അനയ്ക്കും ലൂയിസിനും ഇടയിൽ രൂപപ്പെടുന്ന പ്രത്യേക സൗഹൃദം ഇരുവർക്കും ആശ്വാസവും സാന്ത്വനവും നൽകുന്നു. എന്നാൽ, അനയ്ക്ക് തന്റെ കുടുംബത്തെയും, പ്രത്യേകിച്ച് മകൾ എലീനയെയും സംരക്ഷിക്കേണ്ടതുണ്ട്. എലീന മാനസികമായി ബുദ്ധിമുട്ട് നേരിടുന്ന കുട്ടിയാണ്. അവരുടെ രോഗാവസ്ഥ മൂർച്ഛിക്കുന്നു. പരിചരണത്തിനും ഭയത്തിനും ഇടയിലുള്ള അതിജീവനത്തിന്റെ കഥയാണ് ചിത്രം പറയുന്നത്.

അണിയറ പ്രവർത്തകർ

സംവിധായകരെക്കുറിച്ച്

അർജന്റീനയിലെ മെൻഡോസ പ്രവിശ്യയിൽ നിന്നുള്ള ചലച്ചിത്ര പ്രവർത്തകരും അധ്യാപകരുമാണ് കരീന പിയാസയും ലൂസിയ ബ്രാസെലിസും. ‘ല വിദ ട്രാൻക്വില’ (La vida tranquila) എന്ന വെബ് സീരീസിലൂടെയാണ് ഇവർ ഒന്നിക്കുന്നത്. ഇരുവരും സ്വതന്ത്രമായി നിരവധി ഡോക്യുമെന്ററികളും ഹ്രസ്വചിത്രങ്ങളും സംവിധാനം ചെയ്തിട്ടുണ്ട്. ‘ബിഫോർ ദി ബോഡി’ ഈ കൂട്ടുകെട്ടിന്‍റെ ഏറ്റവും പുതിയ ഫീച്ചർ ഫിലിമാണ്.