തന്തപ്പേര് / Life of a Phallus (ലൈഫ് ഓഫ് എ ഫാലസ്)

സിനോപ്സിസ്

ചോലനായ്ക്കർ എന്ന ആദിവാസി വിഭാഗത്തിനിടയിൽ നടക്കുന്ന കഥയാണിത്. ചോലനായ്ക്ക ഭാഷയിൽ നിർമ്മിച്ച ആദ്യ ചിത്രമാണിത്. നാരി മോഞ്ചൻ എന്ന ആദിവാസി യുവാവാണ് കേന്ദ്ര കഥാപാത്രം. ഗോത്രത്തിൽ സ്ത്രീകൾ കുറഞ്ഞുവരുന്നതും, വിവാഹ ജീവിതത്തിലെ പൊസസീവ് മനോഭാവവും , തന്റെ പിതാവിനെക്കുറിച്ചുള്ള ചില വെളിപ്പെടുത്തലുകളും അയാളെ മാനസികമായി അലട്ടുന്നു. പിതാവിന്റെ ഭൂതകാല രഹസ്യങ്ങളും അടിയന്തരാവസ്ഥക്കാലത്തെ ഓർമ്മകളും നാരി മോഞ്ചന്റെ ജീവിതവീക്ഷണത്തെ മാറ്റിമറിക്കുന്നു. പാരമ്പര്യം, ആഗ്രഹം, സ്വത്വം (identity) എന്നിവയ്ക്കിടയിലുള്ള സങ്കീർണ്ണമായ ബന്ധങ്ങളെയും സംഘർഷങ്ങളെയും ചിത്രം തുറന്നുകാട്ടുന്നു.

അണിയറ പ്രവർത്തകർ

തിരക്കഥ: ഉണ്ണികൃഷ്ണൻ ആവള, വിനോദ് ചെല്ലൻ

ഛായാഗ്രഹണം: മുഹമ്മദ് എ

ചിത്രസംയോജനം: ജിനു ശോഭ

സംഗീതം: ജാനകി ഈശ്വർ, റിതു വൈശാഖ്

സൗണ്ട് ഡിസൈൻ: അരുൺ വർമ്മ, അരുൺ അശോക്, സോനു കെ.പി

കലാസംവിധാനം: അമ്പിളി മൈഥിലി

നിർമ്മാണം: ബാനു ബ്ലഷ്

സംവിധായകനെക്കുറിച്ച്

ആദിവാസി ജീവിതങ്ങളും സാംസ്കാരിക മാറ്റങ്ങളും പ്രമേയമാക്കുന്നതിൽ ശ്രദ്ധേയനായ മലയാള സംവിധായകനാണ് ഉണ്ണികൃഷ്ണൻ ആവള. അദ്ദേഹത്തിന്റെ ആദ്യ ഫീച്ചർ ഫിലിമായ ‘ഉടലാഴം’ (Udalazham) ആദിവാസി ജീവിതത്തെ റിയലിസ്റ്റിക് ആയി അവതരിപ്പിച്ച ചിത്രമായിരുന്നു. ‘ദ ലാസ്റ്റ് പേജ്’ (The Last Page), ‘വിമൻസസ്’ (Womenses) തുടങ്ങിയ ഡോക്യുമെന്ററികളും അദ്ദേഹം സംവിധാനം ചെയ്തിട്ടുണ്ട്. പാർശ്വവൽക്കരിക്കപ്പെട്ട മനുഷ്യരുടെ ജീവിതം സിനിമയിലൂടെ അടയാളപ്പെടുത്തുന്നതിൽ അദ്ദേഹം പ്രത്യേകം ശ്രദ്ധിക്കുന്നു.