ദ സെറ്റിൽമെന്റ് (The Settlement)

സിനോപ്സിസ്

യഥാർത്ഥ സംഭവങ്ങളിൽ നിന്ന് പ്രചോദനം ഉൾക്കൊണ്ട് നിർമ്മിച്ച ചിത്രമാണിത്. അലക്സാണ്ട്രിയയിലെ പാർശ്വവൽക്കരിക്കപ്പെട്ട ഒരു സമൂഹത്തിൽ ജീവിക്കുന്ന രണ്ട് സഹോദരങ്ങളുടെ കഥയാണ് ചിത്രം പറയുന്നത് – 23 വയസ്സുകാരനായ ഹൊസാമും 12 വയസ്സുകാരനായ മാരോയും. പിതാവ് ജോലിസ്ഥലത്ത് വെച്ചുണ്ടായ അപകടത്തിൽ മരിച്ചതിനെ തുടർന്ന്, നിയമനടപടികൾ ഒഴിവാക്കുന്നതിനായി ഫാക്ടറി അധികൃതർ മക്കൾക്ക് നഷ്ടപരിഹാരമായി ജോലി നൽകുന്നു. പുതിയ ജോലിയിൽ പ്രവേശിക്കുന്നതോടെ, പിതാവിന്റെ മരണത്തിന് പിന്നിലെ യഥാർഥ വസ്തുത അവർ മനസിലാക്കുന്നു.

അണിയറ പ്രവർത്തകർ

തിരക്കഥ: മുഹമ്മദ് റഷാദ്
ഛായാഗ്രഹണം: മഹ്മൂദ് ലോട്ഫി
ചിത്രസംയോജനം: ഹെബ ഉസ്മാൻ
നിർമ്മാണം: ഹാല ലോട്ഫി

സംവിധായകനെക്കുറിച്ച്

അലക്സാണ്ട്രിയ സർവകലാശാലയിൽ നിന്ന് സിവിൽ എഞ്ചിനീയറിംഗിൽ ബിരുദം നേടിയ ഈജിപ്ഷ്യൻ സംവിധായകനാണ് മുഹമ്മദ് റഷാദ്. ‘ഫ്രം അഫാർ’ (From Afar – 2005), ‘മാക്സിം’ (Maxim – 2007) എന്നീ ഹ്രസ്വചിത്രങ്ങൾ സംവിധാനം ചെയ്തിട്ടുണ്ട്. 2016-ൽ പുറത്തിറങ്ങിയ അദ്ദേഹത്തിന്റെ ആദ്യ ഫീച്ചർ ഡോക്യുമെന്ററിയായ ‘ലിറ്റിൽ ഈഗിൾസ്’ (Little Eagles) ദുബായിൽ പ്രീമിയർ ചെയ്തിരുന്നു. ‘ദ സെറ്റിൽമെന്റ്’ അദ്ദേഹത്തിന്റെ ആദ്യ ഫീച്ചർ ഫിലിമാണ്.