സംസ്ഥാനത്ത് മഴ ശക്തിപ്പെടുമെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. ഇന്ന് 8 ജില്ലകളില്‍ യെല്ലോ അലര്‍ട്ട് പ്രഖ്യാപിച്ചു. കോട്ടയം, ഇടുക്കി, എറണാകുളം, മലപ്പുറം, കോഴിക്കോട്, വയനാട്, കണ്ണൂര്‍, കാസര്‍ഗോഡ് ജില്ലകളിലാണ് മഴ മുന്നറിയിപ്പ് ഉള്ളത്. ഇവിടങ്ങളില്‍ ഒറ്റപ്പെട്ട ശക്തമായ മഴ ഉണ്ടാകുമെന്നാണ് മുന്നറിയിപ്പ്. മഴയ്‌ക്കൊപ്പം ശക്തമായ കാറ്റിനും, ഇടിമിന്നലും സാധ്യതയുണ്ടെന്നും മുന്നറിയിപ്പുണ്ട്.
കടലിലെ മോശം കാലാവസ്ഥയെ തുടര്‍ന്ന് കര്‍ണാടക തീരത്ത് മത്സ്യ ബന്ധനത്തിനു വിലക്ക് ഏര്‍പ്പെടുത്തി.
ALSO READ: ‘അടിയന്തിരാവസ്ഥ അറബിക്കടലില്‍… ഇന്ദിര ഇന്ത്യക്ക് ആപത്ത്’; ജനാധിപത്യത്തിന്റെ ഇരുണ്ട ദിനങ്ങള്‍
കോഴിക്കോട് മലയോര മേഖലയിൽ ചുഴലിക്കാറ്റ് : വീടുകൾക്ക് നാശനഷ്ടം
കോഴിക്കോട് വളയം പഞ്ചായത്തിലെ മലയോര മേഖലയിൽ ചുഴലിക്കാറ്റ് വീശി. വീടുകൾക്ക് നാശനഷ്ടം സംഭവിച്ചിട്ടുണ്ട്. കണ്ടി വാതുക്കൽ അഭയഗിരിയിലാണ് ചുഴലിക്കാറ്റ് വീശിയത്. തടിക്കൽ ജോസഫ് , മൂന്ന് പുരക്കൽ ചന്ദ്രൻ എന്നിവരുടെ വീടുകൾക്കാണ് നാശനഷ്ടം ഉണ്ടായത്. വീടിൻ്റെ ഓടുകളും , ആസ്ബസ്റ്റോസ് ഷീറ്റുകളും ശക്തമായ കാറ്റിൽ പാറി പോയി. അപകടം നടക്കുമ്പോൾ വീട്ടുകാർ വീടിന് പുറത്തേക്ക് ഓടി രക്ഷപ്പെട്ടു. വൈകുന്നേരം നാല് മണിയോടെയാണ് സംഭവം. മേഖലയിൽ റബ്ബർ മരങ്ങൾ നശിച്ചതായി നാട്ടുകാർ പറഞ്ഞു. ഇന്ന് മേഖലയിൽ യെല്ലോ അലർട്ടാണ്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
