ഐസിസി ചാമ്പ്യന്സ് ട്രോഫിയില് ഇന്ത്യയും പാകിസ്ഥാനും തമ്മിലുള്ള മത്സരത്തിന്റെ ടിക്കറ്റുകള് വില്പ്പന ആരംഭിച്ച് മിനിറ്റുകള്ക്കുള്ളില് വിറ്റുതീര്ന്നു. ദുബായിലാണ് മത്സരം. 1,50,000-ലധികം ആരാധകര് ഓണ്ലൈനില് ക്യൂവിലുണ്ടായിരുന്നു. ഇതോടെ കാത്തിരിപ്പ് സമയം ഒരു മണിക്കൂറിലധികം നീണ്ടു.
ഫെബ്രുവരി 23-ന് ദുബായ് ഇന്റര്നാഷണല് ക്രിക്കറ്റ് സ്റ്റേഡിയത്തിലാണ് ഇന്ത്യ- പാക് മത്സരം. പാകിസ്ഥാനിലും യുഎഇയിലും ഹൈബ്രിഡ് മോഡലില് നടക്കുന്ന 2025ലെ ചാമ്പ്യന്സ് ട്രോഫിയുടെ ഗ്രൂപ്പ് സ്റ്റേജ് മത്സരമാണിത്. ടിക്കറ്റുകള്ക്കായുള്ള യുഎഇയിലെ പ്രവാസികളുടെയും ക്രിക്കറ്റ് പ്രേമികളുടെയും ആവേശം സംഘാടകരെ അമ്പരപ്പിച്ചിട്ടുണ്ട്.
ഏകദേശം ഒരു മണിക്കൂറോളം ആരാധകര് ക്ഷമയോടെ ക്യൂവില് നിന്നെങ്കിലും എല്ലാ വിഭാഗങ്ങളിലുമുള്ള ടിക്കറ്റുകള് മിക്കവാറും വിറ്റുതീര്ന്നിരുന്നു. പ്ലാറ്റിനം- 2,000 ദിര്ഹം (ഏകദേശം 47,434 രൂപ), ഗ്രാന്ഡ് ലോഞ്ച്- 5,000 ദിര്ഹം (ഏകദേശം 1.8 ലക്ഷം രൂപ) എന്നിങ്ങനെയായിരുന്നു വില നിലവാരം. ദുബായ് ഇന്റര്നാഷണല് ക്രിക്കറ്റ് സ്റ്റേഡിയത്തില് 25,000 കാണികളെയാണ് കൊള്ളുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
