തായ്‌ലൻഡിലെ കഫേയിൽ ഇന്ത്യൻ വിനോദസഞ്ചാരികൾ ബോധരഹിതരായി വീണു; ഒരാൾ മരിച്ചു, ദുരൂഹത

തായ്‌ലൻഡിലെ ഫുക്കറ്റിലുള്ള ഒരു കഫേയിൽ വെച്ച് ദുരൂഹസാഹചര്യത്തിൽ ബോധരഹിതരായ നാല് ഇന്ത്യൻ വിനോദസഞ്ചാരികളിൽ ഒരാൾ മരിച്ചു. ഫുക്കറ്റിലെ കാത്തു ജില്ലയിലെ കമല ബീച്ച് ഏരിയയിൽ മേയ് 9-നാണ് സംഭവം നടന്നത്. വെള്ളിയാഴ്ച രാത്രി 11 മണിയോടെയാണ് അഞ്ചംഗ ഇന്ത്യൻ സംഘം കഫേയിൽ എത്തിയത്. ശനിയാഴ്ച പുലർച്ചെ 1.54 ഓടെ ഇതിൽ നാലുപേർ ഒന്നൊന്നായി ബോധരഹിതരാകുകയായിരുന്നുവെന്ന് സെക്യൂരിറ്റി ജീവനക്കാർ പറഞ്ഞു.

ഉടൻ തന്നെ ഇവരെ ആശുപത്രിയിൽ എത്തിച്ചെങ്കിലും ശനിയാഴ്ച ഉച്ചയോടെ ഒരാൾ മരിച്ചതായി സ്ഥിരീകരിച്ചു. ബാക്കിയുള്ള മൂന്ന് പേരുടെ ആരോഗ്യനില നിലവിൽ തൃപ്തികരമാണെന്ന് റിപ്പോർട്ടുകൾ സൂചിപ്പിക്കുന്നു.

ALSO READ: മാങ്ങ പെറുക്കിയാൽ പിഴ 3.75 ലക്ഷം ! ഈ നിയമം അറിയാതെ സിംഗപ്പൂർ പോവല്ലേ

മരണപ്പെട്ട യുവാവിൻ്റെ കുടുംബത്തിന് ആവശ്യമായ എല്ലാ പിന്തുണയും നൽകുമെന്നും തായ് അധികൃതരുമായി ചേർന്ന് അന്വേഷണം നിരീക്ഷിച്ചുവരികയാണെന്നും ബാങ്കോക്കിലെ ഇന്ത്യൻ എംബസി അറിയിച്ചു. മരണത്തിൻ്റെ കൃത്യമായ സാഹചര്യങ്ങൾ ഇതുവരെ വ്യക്തമായിട്ടില്ല.

ENGLISH SUMMARY: One of four Indian tourists who mysteriously collapsed at a cafe in Phuket, Thailand, has died, raising concerns over the incident under investigation.