നല്ല കിടിലൻ ബാറ്ററി ലൈഫ്! മത്സരം കടുപ്പിക്കാൻ ഐക്യു 13 എത്തി

ക്വാൽകോമിന്റെ ഏറ്റവും പുതിയ സ്നാപ്പ്ഡ്രാഗൺ 8 ഇലൈറ്റ് എസ്ഒസി ചിപ്പിന്റെ കരുത്തുമായി ഐക്യു 13 ചൈനീസ് വിപണിയിൽ ലോഞ്ച് ചെയ്തു. ആൻഡ്രോയിഡ് 15 അടിസ്ഥാനമാക്കിയ ഒറിജിൻ ഒഎസ് 5 ലാണ് ഫോണിന്റെ പ്രവർത്തനം.50 എംപി ക്യാമറയും റിയർ ക്യാമറയും 32 എംപി സെൽഫി ഷൂട്ടറും മികച്ച ക്യാമറ അനുവഭവം വാഗ്ദാനം ചെയ്യുന്നുണ്ട്. മികച്ച ബാറ്ററി ലൈഫും ഫോണിന്റെ മറ്റൊരു പ്രത്യേകതയാണ്.

ഐക്യു 13ന്റെ വില, ലഭ്യത;

12ജിബി റാം + 256ജിബി സ്റ്റോറേജ്, 12ജിബി റാം + 512ജിബി, 16ജിബി റാം + 256ജിബി, 16ജിബി റാം + 512ജിബി, 16ജിബി റാം+ 1ടിബി എന്നീ അഞ്ച് സ്റ്റോറേജ് വേരിയന്റുകളാണ് ഈ മോഡലിനുള്ളത്. 12ജിബി റാം + 256ജിബി സ്റ്റോറേജ് വേരിയന്റിന് സിഎൻവൈ 3,999 (ഏകദേശം 47,200രൂപ ),12ജിബി റാം + 512ജിബി വേരിയന്റിന് സിഎൻവൈ 4,499 (ഏകദേശം 53,100രൂപ ) എന്നിങ്ങനെയാണ് വില. മറ്റ് വേരിയന്റുകളുടെ വില: 16ജിബി റാം + 256ജിബി- സിഎൻവൈ 4,299 (ഏകദേശം 50,800രൂപ ),16ജിബി റാം + 512ജിബി- സിഎൻവൈ 4,699 (ഏകദേശം 55,500രൂപ ),16ജിബി റാം+ 1ടിബി- സിഎൻവൈ 5,199 (ഏകദേശം 61,400രൂപ ).നാല് കളർ ഓപ്‌ഷനുകളിൽ എത്തുന്ന ഈ ഹാൻഡ്‌സെറ്റ് വിവോ ചൈന ഇ സ്റ്റോർ വഴി ഇപ്പോൾ പർച്ചെസ് ചെയ്യാവുന്നതാണ്. ഫോണിന്റെ ഇന്ത്യൻ ലോഞ്ച് അധികം വൈകാതെ തന്നെ ഉണ്ടാകുമെന്നാണ് റിപ്പോർട്ട്.

ഐക്യു 13ന്റെ ഫീച്ചറുകൾ;

6.82-ഇഞ്ച് 2കെ (1,440 x 3,168 പിക്സൽസ് ) ഡിസ്‌പ്ലേയോട് കൂടിയാണ് ഈ ഫോണിന്റെ രൂപകൽപ്പന. മുൻപ് സൂചിപ്പിച്ചത് പോലെ ക്വാൽകോമിന്റെ ഏറ്റവും പുതിയ സ്നാപ്പ്ഡ്രാഗൺ 8 ഇലൈറ്റ് എസ്ഒസി ചിപ്പിന്റെ കരുത്തുമായാണ് ഈ മോഡൽ എത്തുന്നത്.ക്യാമറ ഡിപ്പാർട്ട്മെന്റിലേക്ക് വന്നാൽ, 50 എംപി പ്രൈമറി സെൻസർ, 50 എംപി അൾട്രാ വൈഡ് ഷൂട്ടർ എണ്ണിവാണ്റിയർ ക്യാമറയിൽ ഉൾപ്പെടുന്നു.സെൽഫികൾക്കും വീഡിയോ കോളുകൾക്കുമായി 32 എംപി സെൻസറും ഫോണിൽ ഘടിപ്പിച്ചിട്ടുണ്ട്.

5 ജി, 4 ജി എൽടിഇ, വൈ-ഫൈ 7 , ബ്ലൂടൂത്ത് 5 . 4 , എൻഎഫ്സി, ജിപിഎസ്, യുഎസ്ബി ടൈപ്പ് സി പോർട്ട് എന്നിവയാണ് ഫോണിന്റെ കണക്ടിവിറ്റി ഓപ്‌ഷനുകളിൽ ഉൾപ്പെടുന്നത്. 6,150 എംഎഎച്ച് ബാറ്ററിയാണ് ഫോൺ പായ്ക്ക് ചെയ്യുന്നത്. ഇത് 120 വാട്ട് ഫാസ്റ്റ് ചാർജിങ്ങിനുള്ള പിന്തുണ നൽകുന്നുണ്ട്.207 ഗ്രാമാണ് ഫോണിന്റെ ഭാരം.