സൺഡേയായാലും മൺഡേയായാലും സൂപ്പർ സ്റ്റാറാണ് ഈ കൊഴുക്കട്ട

കൊഴുക്കട്ട മലയാളിയുടെ രുചി മുകുളങ്ങളിൽ എപ്പോഴും മധുരിക്കുന്ന അനുഭവം പങ്കുവക്കുന്ന ഒരു പലഹാരമാണ്. പ്രാതലിനും ചായക്കുമൊക്കെ മനസും വയറും നിറക്കുന്ന കൊഴുക്കട്ടയുടെ ഒരു വ്യത്യസ്തത രുചിയനുഭവം പരീക്ഷിച്ചാലോ. ചക്ക നിറച്ച ഗോതമ്പ് കൊഴുക്കട്ട എങ്ങനെ തയാറാക്കാമെന്ന് നോക്കാം

ആവശ്യമായ ചേരുവകൾ:

അരിഞ്ഞ ചക്കപ്പഴം – ആവശ്യത്തിന്
1/2 കപ്പ് ഗോതമ്പുപൊടി
1/4 കപ്പ് ശർക്കര
1/4 ടീസ്പൂൺ ഏലക്കപ്പൊടി
1/2 ടീസപൂൺ നെയ്യ്

തേങ്ങാപ്പീര – ആവശ്യത്തിന്
ആവശ്യത്തിന് ഉപ്പും എണ്ണയും
വെള്ളം – ആവശ്യത്തിന്

ALSO READ; ചപ്പാത്തിക്കൊപ്പം കിടിലൻ ചന മസാല ഉണ്ടാക്കിയാലോ? എളുപ്പത്തിൽ തയാറാക്കാം ഈ റെസിപ്പി

തയാറാക്കുന്ന വിധം

അരിഞ്ഞെടുത്ത ചക്കപ്പ‍ഴം ഗ്രൈൻഡറിലോ മറ്റോ അരച്ചെടുക്കുക.തുടർന്ന് അതിലേക്ക് ഉപ്പും ഗോതമ്പുമാവും ചേർത്ത് കുഴച്ചെടുക്കുക. ശർക്കരയും വെള്ളവും ഒരു പാത്രത്തിൽ ചേർത്ത് യോജിപ്പിച്ച് പാനിയാക്കുക. ഈ പാനി തിളയ്ക്കുമ്പോൾ ഉപ്പും ഏലക്കാപൊടിയും തേങ്ങാപ്പീരയും ചേർത്ത് യോജിപ്പിച്ചു വെള്ളം മാറ്റിയെടുക്കുക. ചെറിയ ഗോതമ്പു ബോളുകളാക്കി എടുത്തു കൈകൊണ്ടു പരത്തിയ ശേഷം തേങ്ങാപ്പീര ഉള്ളിൽവച്ച്, ഉരുട്ടി പത്ത് മിനിറ്റോളം ആവിയിൽ വേവിച്ചെടുക്കുക.