‘ദേശീയ പാതയിലെ വിള്ളലും കോണ്‍ഗ്രസ്സും; സ്വന്തം തെറ്റ് പോലും മനസിലാകുന്നില്ല, 9 കൊല്ലമായി പ്രതിപക്ഷത്തായതിനാല്‍ എന്ത് വിഷയത്തിലും ഒരു കൊടിയുമായിറങ്ങും’: പരിഹസിച്ച് അഡ്വ. കെ അനില്‍കുമാര്‍

ഇന്ത്യന്‍ നാഷണല്‍ കോണ്‍ഗ്രസ്സ് 11 വര്‍ഷമായി പാര്‍ലമെന്റിലും 9 കൊല്ലമായി കേരളത്തിലും പ്രതിപക്ഷത്താണെന്നും അതിനാല്‍ ഏതു വിഷയം വന്നാലും ഒരു കൊടിയുമായിറങ്ങുമെന്നും പരിഹസിച്ച് സിപിഐ എം സംസ്ഥാന കമ്മറ്റിയംഗം അഡ്വ.കെ അനില്‍കമാര്‍. ഫേസ്ബുക്കിലൂടെയായിരുന്നു അദ്ദേഹംത്തിന്റെ പരിഹാസം.

ഫേസ്ബുക്ക് പോസ്റ്റിന്റെ പൂര്‍ണരൂപം:

ദേശീയ പാതയിലെ വിള്ളലും കോണ്‍ഗ്രസ്സും..
ഇന്ത്യന്‍ നാഷണല്‍ കോണ്‍ഗ്രസ്സ് 11 വര്‍ഷമായി പാര്‍ലമെന്റിലും 9 കൊല്ലമായി കേരളത്തിലും പ്രതിപക്ഷത്താണു്.
അതിനാല്‍ ഏതു വിഷയം വന്നാലും ഒരു കൊടിയുമായിറങ്ങും..ചാനലുകള്‍ ആര്‍മാദിച്ച് പിന്തുണക്കും:
ചാനലുകള്‍ക്കു മുന്നില്‍ തുള്ളിക്കളിച്ച് അഭിനയം പൊടിപൊടിക്കും:
മുഖ്യമന്ത്രിയേയും മന്ത്രിമാരേയും അസഭ്യം പറയും.
അവസാന ഷോ കണ്ടത് ദേശിയ പാതയില്‍
കൂരിയാട് നെല്‍വയല്‍ നികത്തി പരിസ്ഥിതി മാനിക്കാതെ ദേശീയപാത പണിതത് വിനയായി എന്ന വാര്‍ത്ത കണ്ടു: നെല്‍വയലും കാര്‍ഷിക ഭൂമിയും ചിലപ്പോള്‍ള്‍ പരിമിതമായ അളവില്‍ രൂപമാറ്റം വരുത്തി വഴിനിര്‍മ്മിക്കേണ്ടി വരും.. അങ്ങനെ ചെയ്താല്‍ പരിസ്ഥിതി സംരക്ഷണ പരിഹാരം വേണമെന്നു് 2013ലെ ഭൂമി ഏറ്റെടുക്കല്‍ നിയമം പറയുന്നു. അത് കേരളത്തിലെ ദേശീയ പാതയില്‍ പാലിച്ചില്ല..
പിണറായി സര്‍ക്കാരാണോ ഉത്തരവാദി:
അല്ല ..
ഒന്നാം പ്രതി കോണ്‍ഗ്രസ്സ് ..
എന്തുകൊണ്ട് ..
‘ ദേശീയപാത ,റെയില്‍വെ ഉള്‍പ്പടെ
വീതി കുറഞ്ഞ ഭൂമി ഏറ്റെടുക്കല്‍
സാമൂഹ്യ ആഘാത – പരിസ്ഥിതി പഠനങ്ങളില്‍ നിന്ന് ഒഴിവാക്കിയ
2013 ലെ നിയമത്തിന്റെ 10-ാം വകപ്പിന്റെ
ഉപവകുപ്പ് (proviso) വായിക്കാമോ?
അതു കൊണ്ടുവന്ന മന്ത്രിസഭയില്‍ കേരളത്തിലെ ആന്റണിയും
മുല്ലപ്പള്ളിയും, കെ സി വേണുഗോപാലും
ഉണ്ടായിരുന്നില്ലേ?
സമരം ആന്റണിയുടെ വീട്ടുപടിക്കലേക്കോ കെ സി വേണുഗോ പാലിന്റെ ആലപ്പുഴയിലെ ആ ഫിസിക്കോ നടത്തുക:
നിയമത്തിന്റെ ഒരുഭാഗം താഴെ നല്‍കുന്നു.
ഇനി മോദിക്കുള്ളത്..
ദേശീയപാതാ നിര്‍മ്മാണം എങ്ങനെ?
യൂണിയന്‍ സര്‍ക്കാര്‍ നേരിട്ട് ബഡ്ജറ്റിലൂടെ പണം നല്‍കില്ല.
പി.പി പി മാതൃക:
അതായത് പ്രൈവറ്റ് -പബ്‌ളിക്ക് പാര്‍ട്ട് നര്‍ഷിപ്പ്:
അതായത് നിര്‍മ്മിച്ചു നല്‍കാന്‍ സ്വകാര്യ കമ്പനിക്ക് ടെണ്ടര്‍ നല്‍കും.
അവര്‍ ലാഭക്കൊതിയോടെ തട്ടിക്കൂട്ടും..
ഈ രീതിയിലല്ല കേരളത്തില്‍ സര്‍ക്കാര്‍ റോഡുപണിയുന്നത്..
കിഫ് ബി യാണു് മാതൃക:
കിഫ് ബി പണം നല്‍കുന്നത് ടോള്‍ പിരിച്ചാണു്:
ദേശീയ പാതയില്‍ വലിയ ടോള്‍ വരും ..
അത് എത്രയെന്നറിയാന്‍ പാലിയേക്കര / പന്നിയങ്കര ടോളുകള്‍ അറിയുക:
ദേശീയപാതയിലെ ടോളിനു് പിണറായിയെ ചീത്ത പറയരുത്.
അടുത്തത്:
കരാര്‍ നല്‍കുന്നതാര്..
ദേശീയപാതാ അതോറിട്ടി:
അത് മേല്‍നോട്ട ചുമതല :
ദേശീയപാതാ ഉദ്യോഗസ്ഥര്‍:
ഡിസൈനിംഗ്, പ്രവര്‍ത്തന നിലവാരം:
നോക്കാന ധികാരം ദേശീയപാതാ ഉദ്യോഗസ്ഥര്‍ക്ക് മാത്രം..
സംസ്ഥാന സര്‍ക്കാര്‍..
സ്ഥലമെടുപ്പ്
വൈദ്യുതി ലൈന്‍, കുടിവെള്ളം
മറ്റ് പ്രശ്‌നനങ്ങള്‍,
ഇതല്ലാതെ നിര്‍മ്മാണ വൈകല്യം സംസ്ഥാന സര്‍ക്കാരിനു മേല്‍ വച്ചു കെട്ടരുത് ..
അഡ്വ.കെ.അനില്‍കുമാര്‍
സിപിഐ എം
സംസ്ഥാന കമ്മറ്റിയംഗം.