കാശ്മീര് ഭീകരാക്രമണത്തിന്റെ പശ്ചാത്തലത്തില് നോര്ക്ക ഹെല്പ് ഡെസ്ക് തുടങ്ങിയതായി നോര്ക്ക റൂട്ട്സ് ചീഫ് എക്സിക്യൂട്ടീവ് ഓഫീസര് അജിത് കോളശേരി അറിയിച്ചു. ഈ സേവനം ഉപയോഗപ്പെടുത്തുന്നതിന് നോര്ക്ക ഗ്ലോബല് കോണ്ടാക്ട് സെന്ററിന്റെ 18004253939 (ടോള് ഫ്രീ നമ്പര് ), 00918802012345 (മിസ്ഡ് കോള്) എന്നീ നമ്പരുകളില് ബന്ധപ്പെടാം.
Read Also: ജമ്മു കശ്മീരിലെ ഭീകരാക്രമണം; 27 പേർ കൊല്ലപ്പെട്ടതായി റിപ്പോർട്ട്, മരണസംഖ്യ ഇനിയും ഉയരാൻ സാധ്യത
കശ്മീരില് കുടുങ്ങിപ്പോയ, സഹായം ആവശ്യമായവര്ക്കും ബന്ധുക്കളെ സംബന്ധിച്ച വിവരം തേടുന്നവര്ക്കും ഹെല്പ് ഡെസ്ക് നമ്പരില് വിളിച്ച് വിവരങ്ങള് നല്കുകയും പേര് രജിസ്റ്റര് ചെയ്യുകയും ചെയ്യാമെന്ന് നോര്ക്ക റൂട്ട്സ് സി ഇ ഒ അറിയിച്ചു. കേരളീയര്ക്ക് സഹായവും സേവനങ്ങളും വിവരങ്ങളും ലഭ്യമാക്കുന്നതിനായി മുഖ്യമന്ത്രിയുടെ ഓഫീസിന്റെ നിര്ദേശാനുസരണമാണ് നോർക്ക റൂട്ട്സ് ഹെൽപ് ഡെസ്ക് ആരംഭിച്ചത്.
Read Also: കാർഗില് യുദ്ധത്തിലെ കഥാനായകൻ; ബൊഫോഴ്സ് പീരങ്കികള് കളമൊഴിയുന്നു
ജമ്മു കശ്മീരിലെ പെഹല്ഗാം സന്ദര്ശിക്കാനെത്തിയ വിനോദസഞ്ചാരികള്ക്ക് നേരെയാണ് ഭീകരാക്രമണമുണ്ടായത്. 27 പേര് മരിച്ചതായി പ്രാദേശിക മാധ്യമങ്ങള് റിപ്പോർട്ട് ചെയ്തു. പരിക്കേറ്റവരുടെ എണ്ണവും ഉയരുന്നു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
