സംസ്ഥാനത്ത് നിലവിൽ വൈദ്യുതി നിയന്ത്രണമോ പവർകട്ടോ ഏർപ്പെടുത്തേണ്ട സാഹചര്യം നിലവിലില്ലെന്ന് വൈദ്യുതി മന്ത്രി കെ. കൃഷ്ണൻകുട്ടി അറിയിച്ചു. എൽപിജി (LPG) ലഭ്യതയിലുണ്ടായ കുറവ് കാരണം ജനങ്ങൾ വ്യാപകമായി ഇൻഡക്ഷൻ അടുപ്പുകളെ ആശ്രയിക്കുന്നത് വൈദ്യുതി ഉപഭോഗം വർദ്ധിക്കാൻ കാരണമായിട്ടുണ്ട്. ഈ സാഹചര്യത്തിൽ സ്ഥിതിഗതികൾ വിലയിരുത്തുന്നതിനായി ഉന്നതതല യോഗം വിളിച്ചുചേർക്കുമെന്നും അദ്ദേഹം വ്യക്തമാക്കി.
ഉപഭോഗം വർദ്ധിച്ചെങ്കിലും ഏത് തരത്തിലുള്ള പ്രതിസന്ധിയെയും നേരിടാൻ സംസ്ഥാനം സജ്ജമാണെന്നും, നിലവിൽ പുറത്തുനിന്ന് കൂടുതൽ വൈദ്യുതി എത്തിക്കേണ്ട സാഹചര്യം ഇല്ലെന്നും മന്ത്രി കൂട്ടിച്ചേർത്തു.
ലോഡ് ഷെഡിംഗോ മറ്റ് നിയന്ത്രണങ്ങളോ ഏർപ്പെടുത്തില്ലെന്ന് ഉറപ്പുനൽകിയ മന്ത്രി, വൈദ്യുതി ദുരുപയോഗം ഒഴിവാക്കാൻ ജനങ്ങൾ സ്വയം നിയന്ത്രണം പാലിക്കണമെന്നും അഭ്യർത്ഥിച്ചു.
ENGLISH SUMMARY : Electricity Minister K. Krishnankutty has assured the public that there will be no power cuts or load shedding in the state, despite a significant surge in electricity consumption
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
