സംസ്ഥാന സര്ക്കാരിന്റെ സ്വയംഭരണ സ്ഥാപനമായ കേരള മീഡിയ അക്കാദമി കൊച്ചി, തിരുവനന്തപുരം സെന്ററുകളില് നടത്തുന്ന മൂവി ക്യാമറ പ്രൊഡക്ഷന് ഡിപ്ലോമ കോഴ്സിലേക്ക് അപേക്ഷ ക്ഷണിച്ചു. തിയറിയും പ്രാക്ടിക്കലും ഉള്പ്പെടെ മൂന്നു മാസമാണ് കോഴ്സിന്റെ കാലാവധി. ഓരോ സെന്ററിലും 25 സീറ്റുകള് ഉണ്ട്. സര്ക്കാര് അംഗീകാരമുള്ള കോഴ്സിന് 25,000 രൂപയാണ് ഫീസ്.
പ്ലസ് ടു വിദ്യാഭ്യാസ യോഗ്യതയുള്ളവര്ക്ക് www.keralamediaacademy.org വെബ്സൈറ്റിലൂടെ ഓണ്ലൈനായി പ്രവേശനത്തിന് അപേക്ഷിക്കാം. പ്രായപരിധിയില്ല. പ്രമുഖ ക്യാമറ നിര്മ്മാണ കമ്പനികളുടെ സാങ്കേതിക സഹായത്തോടെയാണ് കോഴ്സ് രൂപകല്പ്പന ചെയ്തിട്ടുള്ളത്. ലൈറ്റിംഗ്, ലെന്സ്, ചിത്രീകരണം മുതലായവയില് ഊന്നല് നല്കി സമഗ്ര പഠന പദ്ധതിയാണ് വിഭാവനം ചെയ്തിട്ടുള്ളത്. അപേക്ഷ സ്വീകരിക്കുന്ന അവസാന തീയതി ഡിസംബർ 24. ഫോണ്: 0484-2422275, 9447607073.
Also Read: യൂറോപ്യന് യൂണിയനിലെ തൊഴില്സാധ്യതകൾക്കായി നോർക്കയും ജര്മ്മന് ഏജന്സിയും കൈകോർക്കുന്നു
അതേസമയം, കേരള മീഡിയ അക്കാദമി കൊച്ചി, തിരുവനന്തപുരം സെന്ററുകളില് നടത്തുന്ന ഫോട്ടോ ജേണലിസം കോഴ്സ് 13-ാം ബാച്ചിലേക്ക് അപേക്ഷിക്കാനുള്ള തീയതി ഡിസംബര് 16 വരെ നീട്ടി. തിയറിയും പ്രാക്ടിക്കലും ഉള്പ്പെടെ മൂന്നു മാസമാണ് കോഴ്സിന്റെ കാലാവധി. ശനി, ഞായര് ദിവസങ്ങളിലാണ് ക്ലാസുകള്. ഓരോ സെന്ററിലും 25 സീറ്റുകള് ഉണ്ട്. സര്ക്കാര് അംഗീകാരമുള്ള കോഴ്സിന് 25,000 രൂപയാണ് ഫീസ്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
