ബക്കറ്റ് ലിസ്റ്റിൽ കടമക്കുടി: അനന്ദ് മഹീന്ദ്രയെ സ്വാ​ഗതം ചെയ്ത് മന്ത്രി പി എ മുഹമ്മദ് റിയാസ്

ആനന്ദ് ജി വെൽക്കം ടു കേരള, ആനന്ദ് മഹീന്ദ്രയെ കേരളത്തിന്റെ സൗന്ദര്യം ആസ്വദിക്കാൻ സ്വാ​ഗതം ചെയ്ത് ടൂറിസം വകുപ്പ് മന്ത്രി പി എ മുഹമ്മദ് റിയാസ്. ആനന്ദ് മഹീന്ദ്ര എക്സിൽ പങ്കുവെച്ച പോസ്റ്റ് റീട്വീറ്റ് ചെയ്താണ് മുഹമ്മദ് റിയാസിന്റെ പോസ്റ്റ്.

ഭൂമിയിലെ ഏറ്റവും മനോഹരമായ ​ഗ്രാമമാണ് കേരളത്തിലെ കടമക്കുടി. എന്റെ ബക്കറ്റ് ലിസ്റ്റിലുള്ള സ്ഥലമാണ്. ഈ വർഷം ഡിലംബറിൽ കേരളത്തിൽ ബിസിനസ് ആവശ്യത്തിനായി എത്തുമ്പോൾ അവിടെ സന്ദർശിക്കുമെന്നായാരുന്നു ആനന്ദ് മഹീന്ദ്രയുടെ എക്സ് പോസ്റ്റ്. ഒപ്പം കടമക്കുടിയുടെ മനോഹാരിത വിളിച്ചൊതുന്ന ഒരു വീഡിയോയും അദ്ദേഹം പങ്കുവെച്ചു.

Also Read: നല്ല ലക്ഷ്യത്തോടെയാണ് ബ്ലോഗർമാരെ കേരളത്തിൽ കൊണ്ടുവരുന്നത്; ജ്യോതി മൽഹോത്ര ചാരവൃത്തി ചെയ്യുന്ന ആളാണെന്ന് കരുതിയല്ല കൊണ്ടുവന്നതെന്ന് മന്ത്രി മുഹമ്മദ് റിയാസ്

ഈ പോസ്റ്റ് റീട്വീറ്റ് ചെയ്താണ് ആനന്ദ മഹീന്ദ്രയെ മന്ത്രി മുഹമ്മദ് റിയാസ് സ്വാ​ഗതം ചെയ്തത്. വശ്യതയാർന്ന അനുഭൂതി നൽകുന്ന മണ്ണിലേക്ക് സ്വാ​ഗതം. കടമക്കുടിയിൽ താങ്കൾക്ക് ആതിഥേയത്വം വഹിക്കുന്നത് കേരള ടൂറിസത്തിന് ഒരു പ്രിവിേജാണെന്നും എക്സിൽ മന്ത്രി കുറിച്ചു.