വിഷുദിനത്തിൽ സ്വർണം വാങ്ങാൻ തയാറെടുക്കുന്നവർക്ക് ഇന്ന് സന്തോഷിക്കാം. ഇന്ന് 22 കാരറ്റ് സ്വര്‍ണം ഗ്രാമിന് 15 രൂപ കുറഞ്ഞ് 8755 രൂപയിലെത്തി. പവന് 120 രൂപ താഴ്ന്ന് 70040 രൂപയുമായി. അതേസമയം, 18 കാരറ്റ് സ്വര്‍ണം ഗ്രാമിന് 10 രൂപ കുറഞ്ഞ് 7210 രൂപയിലെത്തി. വെള്ളിയുടെ വിലയില്‍ മാറ്റമില്ല. ഗ്രാമിന് 107 രൂപ എന്ന നിരക്കില്‍ തുടരുകയാണ്.
ഈ മാസം ഒരു പവന് സ്വര്‍ണത്തിന് കേരളത്തില്‍ രേഖപ്പെടുത്തിയ ഏറ്റവും കുറഞ്ഞ വില 65800 രൂപയായിരുന്നു. ഏറ്റവും കൂടിയത് 70160 രൂപയും. അതായത്, 4400 രൂപയോളം വര്‍ധിച്ചു. ആഗോള വിപണിയില്‍ ഇന്ന് നേരിയ തോതില്‍ വില കുറഞ്ഞിട്ടുണ്ട്. ഇതിന്റെ പ്രതിഫലനമായിട്ടാണ് ഇന്ന് വില കുറഞ്ഞത്.
ALSO READ: രാജ്യ തലസ്ഥാനത്തെ ചൂടിനെ മറികടക്കാൻ ക്ലാസ് മുറിയുടെ ചുവരുകളിൽ ചാണകം തേച്ച് പ്രിൻസിപ്പൽ; വീഡിയോ വൈറൽ
സ്വര്‍ണവില നിര്‍ണയിക്കുന്നത് എങ്ങനെയാണ് എന്താണ് അതിന്റെ അടിസ്ഥാനം?
സ്വര്‍ണത്തിന്റെ രാജ്യാന്തര വില, ഡോളറിനെതിരെ രൂപയുടെ വിനിമയനിരക്ക്, സ്വര്‍ണം ഇറക്കുമതി ചെയ്യുന്ന ബാങ്കുകളുടെ നിരക്ക് (bank rate), കസ്റ്റംസ് ഡ്യൂട്ടി എന്നിവയാണ് സ്വര്‍ണത്തിന്റെ വില നിര്‍ണയിക്കുന്നതിന്റെ അടിസ്ഥാന ഘടകങ്ങള്‍.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
