ദേശീയ വുഷു ചാമ്പ്യൻഷിപ്പിൽ കേരളത്തിന് മെഡൽ തിളക്കം

മഹാരാഷ്ട്ര പൂനെയിൽ വെച്ച് നടന്ന 32-ാമത് സീനിയർ നാഷണൽ വുഷു ചാമ്പ്യൻഷിപ്പിൽ കേരളത്തിന് മെഡൽ തിളക്കം. സ്വർണമടക്കം മൂന്ന് മെഡലുകളാണ് കേരളം സ്വന്തമാക്കിയത്. തൗലു, വിങ് ചുൻ വിഭാഗങ്ങളിലായി നടന്ന മത്സരത്തിൽ ഫാത്തിമ റിസ്വാനയാണ് സ്വർണ്ണം നേടിയത്.

Also Read:സിനിമാ ഷൂട്ടിങ്ങിനിടെ നടൻ ഷാരൂഖ് ഖാന് പരുക്ക്

സാൻഷൂ വിഭാഗത്തിൽ ശ്രീജിതയും (56 KG) മുഹമ്മദ് സാദിഖും (90 KG) വെങ്കലമെഡൽ കരസ്ഥമാക്കി. മെഡൽ റൗണ്ടിൽ മുഹമ്മദ് സാദിഖ് ഇൻഡോ- ടിബറ്റൻ പൊലീസിനെയാണ് പരാജയപ്പെടുത്തിയത്.

Also Read:25 കോടി സമ്മാനമടിച്ച ലോട്ടറി ബാറിൽ മറന്നുവെച്ചു; ഒടുവിൽ സംഭവിച്ചത്..‌

ടീം മാനേജർ സുസ്മിത നയിച്ച സംഘത്തിൽ അഖിൽ, അയ്യൂബ് എന്നിവർ പരിശീലകരായിരുന്നു. ജൂൺ 26 മുതൽ ജൂലൈ 1 വരെ പൂനൈ ശ്രീ ചത്രപതി ശിവജി സ്പോട്സ് കോമ്പ്ലക്സിൽ വെച്ച് നടന്ന മത്സരങ്ങളിൽ സർവീസസ് ചാമ്പ്യന്മാരായി.