കല്ലടിമുഖത്ത് സായാഹ്നം വൃദ്ധസദനത്തിലെ കിച്ചനിൽ തീപിടിത്തം; രണ്ടുപേർക്ക് പൊള്ളലേറ്റു

സായാഹ്നം വൃദ്ധസദനത്തിലെ കിച്ചനിൽ ഗ്യാസ് സിലിണ്ടർ ലീക്കായി തീപിടിച്ചു. ആറ്റുകാൽ വാർഡ് 73 കല്ലടി മുഖത്ത് നഗരസഭയുടെ സായാഹ്നം വൃദ്ധസദനത്തിലെ കിച്ചനിൽ ആയിരുന്നു അപകടം. കിച്ചനിൽ ഉണ്ടായിരുന്ന മൂന്ന് ഗ്യാസ് സിലിണ്ടറിൽ നിന്നും ഗ്യാസ് ലീക്കായി കത്തുകയായിരുന്നു. അപകടത്തിൽ ജീവനക്കാരായ മായ(39)യുടെ അര താഴ്ഭാഗം തീപിടിക്കുകയും 18% പൊള്ളൽ ഏൽക്കുകയും രാജീവിന്റെ (30) കൈയ്ക്കും കാലിനും 10% പൊള്ളൽ ഏൽക്കുകയും ചെയ്തു. ഇവരെ PRS ആശുപത്രിയിൽ പ്രവേശിപ്പിച്ചു.

ALSO READ: മലപ്പുറം മൈലാടിയിൽ വൻതീപിടിത്തം: ചെരുപ്പ് നിർമാണക്കമ്പനി കത്തിനശിച്ചു

70 വയസ്സിന് മുകളിൽ പ്രായമുള്ള 41 അന്തേവാസികളെയും തിരുവനന്തപുരം ഫയർ സ്റ്റേഷൻ സീനിയർ ഫയർ ആൻഡ് റെസ്ക്യൂ ഓഫീസർ ഷാഫി എമ്മിന്റെയും നേതൃത്വത്തിൽ ഫയർ ആൻഡ് റെസ്ക്യൂ ഓഫീസർമാരായ റസീഫ്, ഷമീർ, സുജീഷ്, സനിത്, ഫോർട്ട് പോലീസ് സ്റ്റേഷൻ ഇൻസ്പെക്ടർ ശ്രീ സിബിൻ ജോസഫിന്റെയും, പോലീസുകരുടെയും നേതൃത്വത്തിൽ നാട്ടുകാരുടെയും ജീവനക്കാരുടെയും സഹായത്താൽ പുറത്തെത്തിച്ചു. ഗ്യാസ് റെഗുലേറ്റർ, എക്സോസ്റ്റ് ഫാൻസ്, ഗ്യാസ് ട്യൂബ്, ഇലക്ട്രിക്കൽ വയറിങ് കിറ്റ് എന്നിവ കത്തിപ്പോയി. വാർഡ് കൗൺസിലർ ശ്രുതി സംഭവ സ്ഥലത്ത് ഉണ്ടായിരുന്നു ഡെപ്യൂട്ടി മേയർ സംഭവസ്ഥലം സന്ദർശിച്ചു.