വനിതാ ബി എൽ ഒയെ ഭീഷണിപ്പെടുത്തി എസ് ഐ ആർ വിവരങ്ങൾ ഫോണിലേക്ക് പകർത്തിയതായി പരാതി. കാസർകോട് ഉപ്പളയിലാണ് സംഭവം. പരാതിയെ തുടർന്ന് ബിജെപി പ്രവർത്തകനായ ഉപ്പള മണിമുണ്ട സ്വദേശി അമിതിനെ മഞ്ചേശ്വരം പൊലീസ് കസ്റ്റഡിയിൽ എടുത്തു. ബി എൽ ഒ ആയ കണ്ണാടിപ്പാറ സ്വദേശി എ സുഭാഷിണി നൽകിയ പരാതിയിലാണ് നടപടി. അമിത് ഈ വിവരങ്ങൾ വാട്സ് ആപ്പ് ഗ്രൂപ്പിൽ ഇട്ടതായും എഫ് ഐ ആറിൽ പറയുന്നു.
ഡാറ്റ കളക്ഷനുമായി ബന്ധപ്പെട്ട ജോലി കഴിഞ്ഞ് വരവേ വഴിയിൽ തടഞ്ഞു നിർത്തിയാണ് വിവരങ്ങൾ ഫോണിൽ പകർത്തിയത്. എസ് ഐ ആർ ആപ്ലികേഷൻ നിർബന്ധിച്ച് തുറപ്പിച്ച ശേഷം വിവരങ്ങൾ പകർത്തുകയും വിവിധ വാട്സ്ആപ്പ് ഗ്രൂപ്പുകളിൽ ഷെയർ ചെയ്യുകയുമായിരുന്നു.
ALSO READ; ‘രാഹുൽ മാങ്കൂട്ടത്തിലിനെ തൊട്ടാൽ കൊന്ന് കളയും’: വെളിപ്പെടുത്തല് നടത്തിയ നടി റിനി ആൻ ജോർജിന് വധഭീഷണി
അതേസമയം, എസ്ഐആർ നടപടിക്രമങ്ങൾക്ക് സമയം നീട്ടി നൽകിയത് പര്യാപ്തമല്ലെന്ന് മുഖ്യ തെരഞ്ഞെടുപ്പ് ഓഫീസർ വിളിച്ചു ചേർത്ത യോഗത്തിൽ ബിജെപി ഒഴികെയുള്ള രാഷ്ട്രീയപാർട്ടികൾ അറിയിച്ചിട്ടുണ്ട്. ഡിസംബർ അവസാനം വരെയെങ്കിലും സമയപരിധി നീട്ടി നൽകണമെന്നാണ് ആവശ്യം.
updating…
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
