ഇന്ത്യൻ ടെലികോം രംഗത്ത് ഇനി 5ജി യുദ്ധം മുറുകും. ജിയോ, എയർടെൽ തുടങ്ങിയ പ്രമുഖ ടെലികോം കമ്പനികളുടെ 5 ജി സർവീസുകളോട് മുട്ടാനൊരുങ്ങി BSNL .
അടുത്ത ആറ് മുതൽ എട്ട് മാസത്തിനുള്ളിൽ, ബിഎസ്എൻഎല്ലിന്റെ മുഴുവൻ സ്വദേശി 4G ടവറുകളും 5G നെറ്റ്വർക്കുകളിലേക്ക് മാറ്റുമെന്നാണ് ടെലിക്കോം മന്ത്രി പ്രസ്താവനയിലൂടെ അറിയിച്ചിരിക്കുന്നത്. ഈ വർഷം ഡിസംബറിൽ തന്നെ ബിഎസ്എൻഎൽ 5ജി വ്യാപനം ആരംഭിക്കുമെന്ന് കേന്ദ്ര ടെലികോം മന്ത്രിയായ ജ്യോതിരാദിത്യ സിന്ധ്യ അറിയിച്ചു. ഒരു വർഷത്തിനുള്ളിൽ ഒരുലക്ഷം 5ജി ടവറുകളുടെ ഉടമയായി ബിഎസ്എൻഎൽ മാറും എന്നും മന്ത്രി അറിയിച്ചിരുന്നു.
തുടക്കത്തിൽ ഡൽഹിയിലും മുംബൈയിലുമാകും ബിഎസ്എൻഎൽ 5ജി അവതരിപ്പിക്കുക എന്ന്നേരത്തെ തന്നെ വ്യക്തമാക്കിയിരുന്നു. അതിവേഗ വ്യാപനത്തിനായി 5ജിയിലേക്ക് അപ്ഗ്രേഡ് ചെയ്യാൻ കഴിയുന്ന സ്വദേശി 4ജി ടെക്നോളജിയാണ് ബിഎസ്എൻഎൽ ഉപയോഗിച്ചിരിക്കുന്നത്. അതുകൊണ്ട് തന്നെ . 4ജി വ്യാപനം പോലെ തന്നെ 5ജി വ്യാപനത്തിന്റെ കാര്യത്തിലും സമയമെടുക്കുമെന്ന് കരുതേണ്ട എന്നാണ് റിപോർട്ടുകൾ.
ALSO READ: ക്രെഡിറ്റ് കാര്ഡ് കളഞ്ഞുപോയോ? എങ്കില് ആദ്യം ചെയ്യേണ്ടത് ഇതാണ്, അബദ്ധം കാണിക്കരുത് !
ഒരുലക്ഷം ടവറുകൾ സ്ഥാപിക്കാൻ ആണ് ടിസിഎസ് നേതൃത്വത്തിലുള്ള കൺസോർഷ്യത്തിന് ബിഎസ്എൻഎൽ കരാർ നൽകിയിരിക്കുന്നത്.
5ജി ടവറുകളായി അപ്ഗ്രേഡ് ചെയ്താൽ അത് ഇന്ത്യൻ ടെലിക്കോം വിപണിയിലെ നിലവിലെ വരിക്കാരുടെ കണക്കുകളിൽ വൻ മാറ്റങ്ങൾ വരുത്താൻ സാധ്യതയുണ്ട് എന്നാണ് കണക്കാക്കുന്നത്. റിലയൻസ് ജിയോ, എയർടെൽ എന്നീ ടെലിക്കോം കമ്പനികൾക്ക് ആയിരിക്കും ഈ മാറ്റം ഏറ്റവും കൊടുത്താൽ തിരിച്ചടിയാവുക. കാരണം ബിഎസ്എൻഎൽ മറ്റിതര ടെലിക്കോം കമ്പനികളെക്കാൾ വളരെ കുറഞ്ഞ നിരക്കിൽ ആണ് ആനുകൂല്യങ്ങൾ നൽകുന്നത് . 5ജി അവതരിപ്പിച്ചാലും സ്വകാര്യ കമ്പനികളുടെ അത്ര ഉയർന്ന നിരക്ക് ബിഎസ്എൻഎൽ ഈടാക്കില്ല. കുറഞ്ഞ വിലയിൽ 5ജി ലഭ്യമാകുന്നതിനാൽ വരിക്കാർ ബിഎസ്എൻഎല്ലിലേക്ക് എത്തും എന്നാണ് പ്രതീക്ഷിക്കുന്നത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
