തൃശൂർ ചൊവ്വന്നൂരിൽ എസ്‍ഡിപിഐയുടെ പിന്തുണയോടെ കോൺഗ്രസ് അധികാരത്തിൽ

തൃശൂർ ജില്ലയിലെ ചൊവ്വന്നൂർ ​ഗ്രാമപഞ്ചായത്തിൽ കോൺ​ഗ്രസ് എസ്ഡിപി ഐ പിന്തുണയോടെ അധികാരം പിടിച്ചെടുത്തു. കുന്നംകുളം മേഖലയിലെ പ്രധാന പഞ്ചായത്തായ ചൊവ്വന്നൂരിൽ നാടകീയമായ നീക്കങ്ങൾക്കൊടുവിലാണ് യുഡിഎഫ് ഭരണം ഉറപ്പിച്ചത്.
കോൺഗ്രസിലെ എ.എം. നിധീഷാണ് പ്രസിഡന്റായി തിരഞ്ഞെടുക്കപ്പെട്ടത്. ഈ കൂട്ടുകെട്ടിലൂടെ എൽഡിഎഫിനെ പരാജയപ്പെടുത്തുകയെന്നതായിരുന്നു ഇവരുടെ ല്ക്ഷ്യം. ഇതോടെ 25 വർഷമായി എൽഡിഎഫ് ഭരിച്ചിരുന്ന പഞ്ചായത്ത് ഭരണമാണ് യുഡിഎഫ് പിടിച്ചെടുത്തത്.

പ്രസിഡന്റ് സ്ഥാനത്തേക്ക് നടന്ന വോട്ടെടുപ്പിൽ യുഡിഎഫ് സ്ഥാനാർത്ഥി എ.എം. നിധീഷിന് എസ്‌ഡിപിഐയുടെ രണ്ട് അംഗങ്ങളുടെ പിന്തുണ ലഭിച്ചു. എൽഡിഎഫ് – 6, യുഡിഎഫ് – 5, എസ്‌ഡിപിഐ – 2
ബിജെപി – 1 എന്നിങ്ങനെയാണ് പഞ്ചായത്തിലെ നിലവിലെ കക്ഷിനില.

Also read; ബിജെപി- കോൺ​ഗ്രസ് ഒത്തുകളി; എട്ട് കോൺ​ഗ്രസ് വാർഡ് മെമ്പർമാർ പാർട്ടി വിട്ടു

വോട്ടെടുപ്പിൽ എസ്‌ഡിപിഐ അംഗങ്ങളായ ഷാമില കബീറും ഷഹീദും യുഡിഎഫിന് വോട്ട് ചെയ്തു. ഏക ബിജെപി അംഗം വോട്ടെടുപ്പിൽ നിന്ന് വിട്ടുനിൽക്കുകയും ചെയ്തതോടെ യുഡിഎഫ് വിജയിച്ചു. കേരളത്തിൽ വിവധ പഞ്ചായത്തിൽ കോൺ​ഗ്രസ് എസ്ഡിപിഐ ബിജെപി തുടങ്ങിയവരുടെ പിന്തുണയോടെ അധികാരത്തിൽ വരുകയാണ്. തെരഞ്ഞെടുപ്പിന് ശേഷം ഇവരുടെ ബന്ധങ്ങൾ പ്രകടമായിത്തന്നെ പുറത്ത് വരികയാണ്.