ഹൃദയപൂർവ്വം പദ്ധതിയുടെ ഭാഗമായി ക്രിസ്മസ് ദിനത്തിൽ പൊതിച്ചോറിനോടൊപ്പം കേക്കും വിതരണം ചെയ്ത് ഡി വൈ എഫ് ഐ. ക്രിസ്മസ് ദിനത്തിലും ആശുപത്രിയിൽ കഴിയേണ്ടിവന്ന രോഗികൾക്കും കൂട്ടിരിപ്പുകാർക്കുമാണ് ഡി വൈ എഫ് ഐ വെച്ചൂച്ചിറ മേഖലാ കമ്മിറ്റിയുടെ നേതൃത്വത്തിൽ കോന്നി മെഡിക്കൽ കോളേജിൽ ക്രിസ്തുമസ് മധുരം നൽകിയത്.
പൊതിച്ചോറിന്റെയും കേക്കുകളുടെ വിതരണം ഡി വൈ എഫ് ഐ സംസ്ഥാന കമ്മിറ്റി അംഗം അനീഷ് പ്രമാടം നിർവഹിച്ചു. ഡി വൈ എഫ് ഐ മേഖലാ സെക്രട്ടറി വൈശാഖ് ചന്ദ്രൻ, ബ്ലോക്ക് കമ്മിറ്റി അംഗം ഷെമീർ മുസ്തഫ, മേഖലാ പ്രസിഡൻ്റ് രഞ്ചു രാജ് , സി പി ഐ എം ലോക്കൽ സെക്രട്ടറി സജി കൊട്ടാരം എന്നിവർ നേതൃത്വം നൽകി.
കോട്ടയം മെഡിക്കൽ കോളേജിലെ രോഗികൾക്കും കൂട്ടിരിപ്പുകാർക്കും ഡി വൈ എഫ് ഐ പൊതിച്ചോറിനൊപ്പം ക്രിസ്മസ് കേക്ക് നൽകിയിരുന്നു. പദ്ധതിയുടെ ക്രിസ്മസ് ദിനത്തിലെ വിതരണോദ്ഘാടനം മന്ത്രി വി എൻ വാസവനാണ് നിർവഹിച്ചത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
