വന്ദേഭാരതില് ആര് എസ് എസ് ഗണഗീതം വിദ്യാര്ഥികളെ കൊണ്ട് പാടിപ്പിച്ച് വീഡിയോ സാമൂഹ്യ മാധ്യമത്തില് പോസ്റ്റ് ചെയ്ത സംഭവം അത്ര നിഷ്കളങ്കമായി കാണാന് കഴിയില്ലെന്ന് ഡിവൈഎഫ്ഐ സംസ്ഥാന സെക്രട്ടറി വികെ സനോജ്. എന്താണ് ആര്എസ്എസിന്റെ ശാഖയില് കൂടി നടക്കുന്നതെന്ന് ഈ അടുത്ത് ഒരു ചെറുപ്പക്കാരന്റെ മരണത്തിലൂടെ നാം കണ്ടതാണ്.
‘ഏറ്റവും വൃത്തികെട്ടയിടമായിട്ടുള്ള ആര്എസ്എസിന്റെ ശാഖ, ഗാന്ധിയെ കൊല്ലാന് ഗോഡ്സെയെ പോലുള്ള നരാധമന്മാര്ക്ക് ഊര്ജം കൊടുത്ത ആര്എസ്എസ് ശാഖ, മനുഷ്യത്വരഹിതമായ കാര്യങ്ങള് നടക്കുന്ന ഒരിടം, അവിടെ ആ ശാഖ ആരംഭിക്കുമ്പോള് അവര് പാടുന്ന ഗാനം ഈ രാജ്യത്തിന്റെ ദേശീയഗാനത്തിന് പകരം വെക്കാന് ഒരു ആര്എസ്എസിനെയും അനുവദിക്കില്ലെന്നും വികെ സനോജ് പറഞ്ഞു.
ഇതിനെതിരെ ഡിവൈഎഫ്ഐ ശക്തമായി പ്രതിഷേധിക്കുമെന്നും ആര്എസ്എസ് വത്കരണത്തിനെതിരായുള്ള സമരം രാജ്യവ്യാപകമായി ഡിവൈഎഫ്ഐ ശക്തിപ്പെടുത്തുമെന്നും സനോജ് പറഞ്ഞു. ആര്എസ്എസിനെതിരായുള്ള ആശയപരമായി സമരം തുടരുമെന്നും വികെ സനോജ് കൂട്ടിച്ചേര്ത്തു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
