കോട്ടയം എരുമേലി പഞ്ചായത്ത് പ്രസിഡന്‍റ് സ്ഥാനം എൽഡിഎഫിന്

കഴിഞ്ഞ ദിസവം കോൺ​ഗ്രസ് അം​ഗങ്ങൾ വിട്ടു നിന്നത് കാരണം അധ്യക്ഷ തെരഞ്ഞെടുപ്പ് നടക്കാത്ത കോട്ടയത്തെ എരുമേലി ​ഗ്രാസപഞ്ചായത്ത് പ്രസിഡൻ്റ് സ്ഥാനം എൽഡിഎഫിവന്. സിപിഐഎമ്മിലെ അമ്പിളി സജീവനാണ് പ്രസിഡന്‍റായി തെരഞ്ഞെടുക്കപ്പെട്ടത്. 24 അംഗങ്ങളുള്ള പഞ്ചായത്തിൽ 9 പേരാണ് വോട്ടെടുപ്പിൽ പങ്കെടുത്തത്. ഇതിൽ 7 വോട്ടുകൾ അമ്പിളിക്കും 2 വോട്ട് ബിജെപി സ്ഥാനാർത്ഥി കെ കെ രാജനും കിട്ടി.

ആകെയുള്ള 24 അം​ഗങ്ങളിൽ 14 യുഡിഎഫ് അംഗങ്ങളും 1 സ്വതന്ത്രനും ഇന്ന് തെരഞ്ഞെടുപ്പിൽ നിന്ന് വിട്ടുനിന്നു. പട്ടികവർഗ സംവരണമാണ് പഞ്ചായത്ത് പ്രസിഡന്‍റ് സ്ഥാനം എന്നാൽ യുഡിഎഫിന് ഈ വിഭാഗത്തിൽ നിന്ന് പ‌ഞ്ചായത്ത് അംഗം ഇല്ലാതിരുന്നതാണ് കഴിഞ്ഞ ദിവസം മാറി നിൽക്കാൻ കാരണമായത്.
‌Also read; പുല്ലൂർ പെരിയ പഞ്ചായത്ത് തിരിച്ച് പിടിച്ച് എൽഡിഎഫ്

ക്വാറം തികയാത്തതിനാൽ വരണാധികാരി തെരഞ്ഞെടുപ്പ് മാറ്റി വയ്ക്കുകയായിരുന്നു. ഇതിന് ശേഷം ഇന്ന് രാവിരെ 10.30 ന് നടന്ന തെരഞ്ഞെടുപ്പിൽ വോട്ടെടുപ്പിലൂടെ എൽഡിഎഫ് അം​ഗം പ്രസിഡൻ്റായി തെരഞ്ഞെടുക്കപ്പെടുകയായിരുന്നു.