എറണാകുളം കളമശ്ശേരിയിൽ പട്ടാപ്പകൽ കടയിൽ കയറി മാല മോഷണം: പ്രതിക്കായി തിരച്ചില്‍ ഊര്‍ജിതം

എറണാകുളം കളമശ്ശേരിയിൽ പട്ടാപ്പകൽ കടയിൽ കയറി മാല മോഷണം. ഇടപ്പള്ളി കൂനംതൈയിൽ ഇന്നലെ ഉച്ചയ്ക്കാണ് മോഷണം നടന്നത്. കൂനംതൈ അമ്പലം റോഡിലുള്ള കടയിൽ ഹെൽമെറ്റ് ധരിച്ച് എത്തിയ യുവാവ് മാല പൊട്ടിച്ച ശേഷം സ്കൂട്ടറിൽ കടന്നു കളയുകയായിരുന്നു. കടയുടമയായ യുവതിയുടെ മാലയാണ് കവർച്ച ചെയ്യപ്പെട്ടത്. രണ്ടുതവണ കടയിലെത്തി നിരീക്ഷണം നടത്തി പുറത്തിറങ്ങിയ ശേഷമാണ് തിരികെയെത്തി മാല പൊട്ടിച്ചത്. യുവതി പിന്നാലെ ഓടിയെങ്കിലും മോഷ്ടാവിനെ പിടികൂടാനായില്ല. സി സി ടി വി ദൃശ്യങ്ങളുടെ അടിസ്ഥാനത്തിൽ പ്രതിക്കായി പോലീസ് അന്വേഷണം ഊർജ്ജിതമാക്കിയിട്ടുണ്ട്.

അതേസമയം, വീ​ടു​ക​ള്‍ കു​ത്തി​ത്തു​റ​ന്ന് മോ​ഷ​ണം ന​ട​ത്തു​ന്ന അ​ന്ത​ര്‍ സം​സ്ഥാ​ന മോ​ഷ്ടാ​വ് കരുനാഗപ്പള്ളി പൊലീസിൻ്റെ പി​ടി​യി​ലാ​യി. ത​മി​ഴ്‌​നാ​ട് മ​ധു​ര മു​നി​യാ​ണ്ടി​പു​രം​ വ​ടി​വേ​ലു ആണ് പൊ​ലീ​സി​ൻ്റെ പി​ടി​യി​ലാ​യ​ത്. 2024 മാ​ര്‍ച്ചി​ൽ പാ​വു​മ്പ​യി​ലെ വീ​ടിൻ്റെ​അ​ടു​ക്ക​ള വാ​തി​ല്‍ പൊ​ളി​ച്ച് അ​ക​ത്തു​ക​യ​റി സ്വര്‍ണവും പണവും കവരുകയായിരുന്നു.

ALSO READ: ‘ആഹാരം കഴിക്കാനോ ഉറങ്ങാനോ ആകുന്നില്ല, പണം നൽകണമെന്നുണ്ടെങ്കിലും സാധിക്കുന്നില്ല’; ആത്മഹത്യ ചെയ്ത ബിജെപി കൗൺസിലർ തിരുമല അനിലിന്റെ ശബ്ദ സംഭാഷണം കൈരളി ന്യൂസിന്

ആ​റ് പ​വ​നോ​ളം സ്വ​ര്‍ണ​വും 15,000 രൂ​പ​യും മോ​ഷ​ണം പോ​യി​രു​ന്നു. പൊ​ലീ​സി​ന് സ്ഥ​ല​ത്തു​നി​ന്ന് ല​ഭി​ച്ച വി​ര​ല​ട​യാ​ളം കേ​സി​ലെ തു​മ്പാകുകയും പിന്നാലെ നടന്ന അന്വേഷണത്തില്‍ പ്രതിയെ അറസ്റ്റ് ചെയ്യുകയുമായിരുന്നു.