സംസ്ഥാന പോലീസ് മേധാവി റവാഡ ചന്ദ്രശേഖറിന്റെ ഡി ജി പി സ്ഥാനത്തുള്ള നിയമനം ഒരു വര്ഷത്തേക്ക് കൂടി നീട്ടാന് മന്ത്രിസഭായോഗം തീരുമാനിച്ചു. പ്രകാശ് സിങ്ങ് കേസിലെ സുപ്രീം കോടതിയുടെ ഉത്തരവ് നടപ്പിലാക്കുന്നതിന്റെ ഭാഗമായിട്ടാണ് കാലാവധി നീട്ടിയത്. ഈ വർഷം ജൂൺ 30 ന് വിരമിക്കേണ്ടിയിരുന്ന റവാഡ ചന്ദ്രശേഖറിന് അടുത്ത വർഷം ജൂൺ വരെ നിയമനം നീട്ടി നല്കും.
പൊലീസ് വകുപ്പില് 51 അധിക തസ്തിക
പൊലീസ് വകുപ്പിലെ പൊലീസ് കോണ്സ്റ്റബിള് ഡ്രൈവര്മാരുടെ തുല്യ എണ്ണം തസ്തികകള് അപ്ഗ്രേഡ് ചെയ്ത് 4 സബ് ഇന്സ്പെക്ടര് ഡ്രൈവര്, 12 അസിസ്റ്റന്റ് സബ് ഇന്സ്പെക്ടര് ഡ്രൈവര്, 35 ഹെഡ് കോണ്സ്റ്റബിള് ഡ്രൈവര് എന്നിങ്ങനെ 51 അധിക തസ്തികകള് സൃഷ്ടിക്കും. പ്രമോഷന് തസ്തികകളുമായി താരതമ്യപ്പെടുത്തുമ്പോള് ഫീഡര് തസ്തികകളുടെ എണ്ണത്തിലെ അപര്യാപ്തതയും ജീവനക്കാരുടെ പ്രമോഷനിലെ സ്തംഭനാവസ്ഥയും കണക്കിലെടുത്താണിത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
