പാലക്കാട് ജില്ലയില് വലത് കൈ മുറിച്ച് മാറ്റേണ്ടി വന്ന പെണ്കുട്ടിക്ക് വനിത ശിശുവികസന വകുപ്പിന്റെ സ്പോണ്സര്ഷിപ്പ് പദ്ധതി പ്രകാരം പരിരക്ഷ ഉറപ്പാക്കാന് ഉത്തരവിറക്കിയതായി ആരോഗ്യ വനിത ശിശുവികസന വകുപ്പ് മന്ത്രി വീണാ ജോര്ജ്. കുട്ടിക്ക് നിലവില് കൃത്രിമ കൈ വയ്ക്കേണ്ടതുണ്ടെന്നും അതിന് ഭീമമായ തുക ആവശ്യമുണ്ടെന്നും കണ്ടെത്തിയിരുന്നു. കൂടാതെ കുട്ടിയുടെ കുടുംബം സാമ്പത്തികമായി പിന്നോക്കം നില്ക്കുന്നതായും കണ്ടെത്തിയിരുന്നു.
കുട്ടിയ്ക്ക് അടിയന്തിരമായി ധനസഹായം നല്കേണ്ടതിന്റെ ആവശ്യകത പരിഗണിച്ചാണ് മിഷന് വാത്സല്യ മാര്ഗരേഖ പ്രകാരമുള്ള സ്പോണ്സര്ഷിപ്പ് പദ്ധതിയില് ഉള്പ്പെടുത്തി അനുമതി നല്കി ഉത്തരവായതെന്ന് മന്ത്രി പറഞ്ഞു. കൃത്രിമ കൈ വയ്ക്കാന് ബാലനിധിയില് നിന്നും ഫണ്ട് ലഭ്യമാക്കുന്നതായിരിക്കും.
അതേസമയം, സംഭവത്തിന് പിന്നാലെ മന്ത്രി വീണാ ജോര്ജ് അന്വേഷണത്തിന് നിര്ദേശം നല്കുകയും കുട്ടിക്ക് ആവശ്യമായ വിദഗ്ധ ചികിത്സ ഉറപ്പാക്കാന് നിര്ദേശം നല്കുകയും ചെയ്തു. ഇത് കൂടാതെ മുഖ്യമന്ത്രിയുടെ ദുരിതാശ്വാസ നിധിയില് നിന്നും 2 ലക്ഷം രൂപ അനുവദിച്ചിരുന്നു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
