അപകടത്തില് പരുക്കേറ്റ് ചികിത്സയില് കഴിഞ്ഞിരുന്ന ഷിബുവിൻ്റെ ഹൃദയം സ്വീകരിച്ച നേപ്പാള് സ്വദേശിനിയുടെ ആരോഗ്യനിലയിൽ പ്രതീക്ഷിച്ച പുരോഗതിയെന്ന് മന്ത്രി വീണാ ജോര്ജ്ജ്. ചൊവ്വാഴ്ചയോടെ വെന്റിലേറ്ററിൽ നിന്ന് മാറ്റാൻ സാധിക്കുമെന്ന് മന്ത്രി പറഞ്ഞു. ദുർഗ കാമിയെ ജീവിതത്തിലേക്ക് തിരിച്ചു കൊണ്ടുവരാൻ കേരളം
ഒരുമിച്ചു നിന്നു. സർക്കാർ ആശുപത്രി എന്ന നിലയിൽ നേടിയത് ചരിത്രപരമായ നേട്ടമെന്ന് മന്ത്രി പറഞ്ഞു.
അതേസമയം, ഹൃദയം മാറ്റിവെയ്ക്കല് ശസ്ത്രക്രിയ വിജയകരമായി നടത്തിയ രാജ്യത്തെ ആദ്യ ജില്ലാതല ആശുപത്രിയാണ് എറണാകുളം ജനറല് ആശുപത്രി. കഴിഞ്ഞ 23ന് വൈകിട്ട് 3.15 ന് ആരംഭിച്ച ഹൃദയം മാറ്റിവെക്കൽ ശസ്ത്രക്രിയ അന്ന് രാത്രി എഴു മണിയോടെയാണ് പൂർത്തിയായത്. ഹൃദയ ഭിത്തികൾക്ക് കട്ടി കൂടുന്നതു മൂലം പമ്പിങ് ശേഷി കുറയുന്നതായിരുന്നു ദുർഗ കാമിയുടെ രോഗം.
ALSO READ: ബിജെപി- കോൺഗ്രസ് ഒത്തുകളി; എട്ട് കോൺഗ്രസ് വാർഡ് മെമ്പർമാർ പാർട്ടി വിട്ടു
അടിയന്തിരമായി ഹൃദയം മാറ്റിവെക്കണം എന്നായിരുന്നു ഡോക്ടർമാരുടെ നിർദ്ദേശം. ഇന്ത്യക്കാരി അല്ലാത്തതിനാൽ കേന്ദ്രസർക്കാർ നിയമം തടസ്സമായിരുന്നു. കോടതിയുടെ ഇടപെടലാണ് സഹായകമായത്. ഹൃദയം ദാനം ചെയ്യാൻ ഷിബുവിന്റെ ബന്ധുക്കൾ തയ്യാറായതോടെ ചികിത്സയുടെ മുഴുവൻ ഉത്തരവാദിത്തങ്ങളും സംസ്ഥാന സർക്കാർ ഏറ്റെടുത്തു. സർക്കാരിൻ്റെ എയർ ആംബുലൻസിലാണ് ഹൃദയം കൊച്ചിയിലെത്തിച്ചത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
