കോഴിക്കോട് വാഹനാപകടത്തിൽ ഒരാൾ മരിച്ചു. ബീവറേജിലേക്ക് മദ്യവുമായി വന്ന ലോറി കാറുമായി ഇടിച്ചു മറിയുകയായിരുന്നു. അപകടത്തിൽ ലോറി ഡ്രൈവർ മരിച്ചു. വയനാട് സ്വദേശി അഖിൽ കൃഷ്ണൻ (30) ആണ് മരിച്ചത്.
കോഴിക്കോട് ഇരിങ്ങാടൻ പള്ളി ജങ്ഷനിൽ ആണ് അപകടം നടന്നത്.
പുലർച്ചെ നാലുമണിയോടെ ആയിരുന്നു അപകടം. മൈസൂരിൽ നിന്ന് എറണാകുളം ബീവറേജിലേക്ക് വന്ന ലോറിയാണ് കാറുമായി കൂട്ടിയിടിച്ച് മറിഞ്ഞത്.
ലോറിക്കകത്ത് കുടുങ്ങിയ നിലയിലായിരുന്നു ഡ്രൈവർ. വെള്ളിമാടുകുന്ന് നിന്നെത്തിയ ഫയർഫോഴ്സ് അംഗങ്ങൾ ഹൈഡ്രോളിക് കട്ടർ ഉപയോഗിച്ച് ആണ് ലോറിയിൽ കുടുങ്ങിയ ഡ്രൈവറെ പുറത്തെടുത്തത്. അപകടത്തെ തുടർന്ന് 700 ബിയർ കെയ്സുകൾ റോഡിൽ തെറിച്ച് വീണു. എക്സൈസും സംഭവ സ്ഥലത്ത് എത്തി പരിശോധന നടത്തി.
Lorry carrying liquor collides with car in Kozhikode; one dead
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
