കോഴിക്കോട് കോർപ്പറേഷൻ ഇടതിന് തന്നെ: ബ്ലോക്കിലും എൽഡിഎഫ് മുന്നേറ്റം; ജില്ലാ പഞ്ചായത്തിൽ യുഡിഎഫ്

കോഴിക്കോട് കോർപ്പറേഷൻ ഭരണം എൽഡിഎഫ് നിലനിർത്തി. ജില്ലാ പഞ്ചായത്ത് ഭരണം യുഡിഎഫ് പിടിച്ചു. ഗ്രാമപഞ്ചായത്തുകളിലും യുഡിഎഫിനാണ് മുൻതൂക്കം. ബ്ലോക്ക് പഞ്ചായത്തുകളിൽ എൽഡിഎഫ് മുന്നറിയപ്പോൾ നഗരസഭകളിൽ നിലവിലെ സ്ഥിതി തുടർന്നു. ആകെയുള്ള 76 ൽ 35 വാർഡുകളിൽ വിജയിച്ചാണ് കോഴിക്കോട് കോർപ്പറേഷൻ ഭരണം എൽഡിഎഫ് നിലനിർത്തിയത്. യുഡിഎഫ് 28 ഇടത്ത് ജയിച്ചപ്പോൾ എ‍ൻഡിഎ 13 വാർഡുകളിൽ വിജയിച്ചു.

കോഴിക്കോട് ജില്ലാ പഞ്ചയത്ത് ഭരണം ആദ്യമായി യുഡിഎഫിന് ലഭിച്ചു. ആകെയുടെ 28 ൽ 15 ഡിവിഷനുകൾ നേടിയാണ് യുഡിഎഫ് ഭരണം പിടിച്ചത്. എൽഡിഎഫിന് 13 സീറ്റുകൾ ലഭിച്ചു. എൽഡിഎഫ് സ്ഥാനാർത്ഥികളായ കെ കെ ദിനേശൻ, ഡോ. കെ കെ ഹനീഫ, പി ശാരുതി തുടങ്ങിയവർ വിജയിച്ചു.

ALSO READ; ‘ഫലങ്ങൾ പരിശോധിച്ച് ആവശ്യമായ തിരുത്തലുകൾ വരുത്തി മുന്നോട്ടു പോകും’; ജനകീയ അടിത്തറ കൂടുതൽ ഭദ്രമാക്കാനുള്ള പ്രവർത്തനങ്ങൾ തുടരുമെന്ന് മുഖ്യമന്ത്രി

70 ൽ യുഡിഎഫിന് 39 പഞ്ചായത്തുകളിൽ ജയിക്കാനായി. എൽഡിഎഫ് 27 പഞ്ചായത്തുകളിൽ ഭരണത്തിലേറി. 4 ഇടത്ത് ആർക്കും ഭൂരിപക്ഷമില്ല. അത്തോളി, കാരശ്ശേരി, അഴിയൂർ, വണിമേൽ, കട്ടിപ്പാറ, ചേളന്നൂർ പഞ്ചായത്തുകൾ എൽഡിഎഫ് പിടിച്ചെടുത്തു. ആകെയുള്ള 12 ബ്ലോക്ക് പഞ്ചായത്തുകളിൽ 8 ഇടത്ത് എൽഡിഎഫ് ജയിച്ചു. 2 ബ്ലോക്ക് പഞ്ചായത്തുകളിലാണ് യുഡിഎഫിന് ജയിക്കാനായത്.

വടകര, പേരാമ്പ്ര എന്നിരിടങ്ങളിൽ ഇരു മുന്നണികളും ഒപ്പത്തിനൊപ്പമായി. നഗസഭകളിൽ 4 ഇടങ്ങളിൽ യുഡിഎഫിനും 3 ഇടത്ത് എൽഡിഎഫ് ഉം വിജയിച്ചു. കഴിഞ്ഞ തവണ എൽഡിഎഫ് ഭരിച്ച വടകര, കൊയിലാണ്ടി, മുക്കം എന്നിവ എൽഡിഎഫ് നിലനിർത്തിയപ്പോൾ കൊടുവള്ളി, പയ്യോളി, ഫറോക്ക്, രാമനാട്ടുകര എന്നിവ യുഡിഎഫ് നിലനിർത്തി.