പുതുതലമുറയ്ക്കും എകെജിയെ അടുത്തറിയാം;എകെജി സ്മൃതി മ്യൂസിയം മുഖ്യമന്ത്രി ഉദ്ഘാടനം ചെയ്തു

പാവങ്ങളുടെ പടത്തലവൻ എ കെ ജിക്ക് ജന്മ നാട്ടിൽ സ്മൃതി മ്യൂസിയം ഒരുങ്ങി. കണ്ണൂർ പെരളശ്ശേരിയിൽ സ്ഥാപിച്ച മ്യൂസിയം മുഖ്യമന്ത്രി പിണറായി വിജയൻ നാടിന് സമർപ്പിച്ചു. എ കെ ജി യുടെ ജീവിത മുഹൂർത്തങ്ങളും സമര ചരിത്രവും ആധുനിക സാങ്കേതിക വിദ്യയുടെ സഹായത്തോടെയാണ് അവതരിപ്പിച്ചിരിക്കുന്നത്.

സംസ്ഥാന മ്യൂസിയം വകുപ്പിന് കീഴിലാണ് പെരളശ്ശേരിയിൽ മൂന്നരയേക്കർ സ്ഥലത്ത് എ കെ ജി സ്മൃതി മൂസിയം സ്ഥാപിച്ചത്.എ കെ ജി ഉപയോഗിച്ച വസ്തുക്കൾ,അപൂർവ്വ ഫോട്ടോകളും, ചിത്രങ്ങളും, രേഖകൾ, ദൃശ്യങ്ങൾ തുടങ്ങിയവയ മൂസിയത്തിലുണ്ട്.
ഓഗ്മെന്റഡ് റിയാലിറ്റി, ഓഗ്മെന്റഡ് വെർച്വൽ റിയാലിറ്റി എന്നിവയുടെ കൂടി സഹായത്തോടെയാണ് എ കെ ജിയുടെ ജീവിതവും സമര പോരാട്ടങ്ങളും പ്രദർശിപ്പിക്കുന്നത്. നുണകൾ പ്രചരിപ്പിക്കപ്പെടുന്ന കാലത്ത് സത്യങ്ങൾ വിളിച്ചു പറയുന്ന കടമയാണ് മൂസിയങ്ങൾ നിർവ്വഹിക്കുന്നതെന്ന് ഉദ്ഘാടനം നിർവ്വഹിച്ചു കൊണ്ട് മുഖ്യമന്ത്രി പറഞ്ഞു.

Also read: മാധ്യമങ്ങൾ മറച്ചുവയ്ക്കുന്ന വികസന പ്രവർത്തനങ്ങൾ ജനങ്ങൾ പുറത്ത് കൊണ്ടുവരണം:മുഖ്യമന്ത്രി പിണറായി വിജയൻ

കണ്ണൂർ ജില്ലാ പഞ്ചായത്ത് പ്രസിഡണ്ട് ബിനോയ് കുര്യൻ അധ്യക്ഷത വഹിച്ചു.മുൻ എം എൽ എ എംവി ജയരാജൻ,മുൻ രാജ്യസഭ എംപി കെ കെ രാഗേഷ്,എ കെ ജിയുടെ മകൾ ലൈല തുടങ്ങിയവർ പങ്കെടുത്തു.10737 ചതുരശ്രയടി വിസ്‌തൃതിയിൽ രണ്ടുനില കെട്ടിടത്തിലാണ് ഏഴ് ഗാലറികൾ ഉൾപ്പെടുന്ന മ്യൂസിയം.