ഐടിഐ കോളേജ് യൂണിയൻ തെരഞ്ഞെടു​പ്പിൽ സംസ്ഥാനത്ത് എസ്എഫ്ഐ തേരോട്ടം

സംസ്ഥാനത്തെ ഐടിഐകളിൽ നടന്ന തിരഞ്ഞെടുപ്പിൽ എസ്എഫ്ഐ തരംഗം. സംസ്ഥാനത്തെ ആകെ 103 ഐ ടി ഐ കളിൽ 88 ലും എസ്എഫ്ഐ തേരോട്ടം. തിരഞ്ഞെടുപ്പ് പ്രഖ്യാപിച്ച് നോമിനേഷൻ പ്രക്രിയ പൂർത്തീകരിച്ചപ്പോൾ തന്നെ നിരവധി ഐടിഐ കളിൽ എതിരില്ലാതെ എസ്എഫ്ഐ തെരഞ്ഞെടുക്കപ്പെട്ടിരുന്നു. എറണാകുളം ജില്ലയിലെ മരട് ഐടിഐ കെഎസ്‍യു വിൽ നിന്നും
കോഴിക്കോട് ജില്ലയിലെ ചാത്തമംഗലം ITI UDSF ൽ നിന്നും തിരിച്ചുപിടിച്ചു. വയനാട് ജില്ലയിലെ ചുള്ളിയോട് വനിതാ ഐടിഐ,കൊല്ലം ജില്ലയിലെ കുളത്തുപ്പുഴ ഐടിഐ, മലപ്പുറം ജില്ലയിലെ നിലമ്പുർ ഐടിഐ എന്നിവ കെഎസ്‍യുവിൽ നിന്നും പുഴക്കാട്ടിരി ഐടിഐ UDSF ൽ നിന്നും തിരിച്ചുപിടിച്ചു. കാസർഗോഡ് ജില്ലയിലെ സീതാംഗോളി ITI യിൽ ചെയർമാൻ,ജനറൽ ക്യാപ്റ്റൻ സീറ്റ് വിജയിച്ചു.

25 കൊല്ലത്തിനു ശേഷം KSU നോമിനേഷൻ നൽകിയ കണ്ണൂർ ITI യിൽ SFI മുഴുവൻ സീറ്റിലും 500ലധികം വോട്ടുകളുടെ ഭൂരിപക്ഷത്തിൽ വിജയിച്ചു,
തുടർച്ചയായി 2 തവണ KSU വിജയിച്ച കട്ടപ്പന ITI യിൽ SFI 3 സീറ്റുകളിൽ വിജയിച്ചു.’നിഷ്പക്ഷതയുടെ നിശബ്ദതയല്ല, നിലപാടുകളുടെ സമരമാണ് വിദ്യാർത്ഥിത്വം’ എന്ന മുദ്രാവാക്യം ഉയർത്തിയാണ് എസ്എഫ്ഐ തിരഞ്ഞെടുപ്പിനെ നേരിട്ടത്.

Also read; കൊല്ലത്ത് ITI ഇൻസ്റ്റിറ്റ്യൂട്ടുകളിൽ SFI തരം​ഗം; തെരഞ്ഞെടുപ്പിൽ ഉജ്ജ്വല വിജയം

സംസ്ഥാനത്തെ ഐടിഐ കളിൽ എസ്എഫ്ഐയുടെ നേതൃത്വത്തിൽ നടത്തിയ മാതൃകാപരമായ പ്രവർത്തനങ്ങൾക്കും ക്യാമ്പസുകളിലേക്ക് കടന്നുവരുന്ന അരാഷ്ട്രീയക്കും വർഗീയതയ്ക്കും എതിരെ സംഘടന എടുത്ത നിലപാടുകൾക്ക് ലഭിച്ച അംഗീകാരം കൂടിയാണ് ഈ ഉജ്ജ്വലമായ വിജയം. സംസ്ഥാനത്തെ ഐടിഐ തിരഞ്ഞെടുപ്പുകളിൽ നടന്ന മിന്നുന്ന വിജയങ്ങൾക്ക് നേതൃത്വം കൊടുത്ത മുഴുവൻ വിദ്യാർഥികളെയും എസ്എഫ്ഐയുടെ സംസ്ഥാന കമ്മിറ്റിക്ക് വേണ്ടി സംസ്ഥാന സെക്രട്ടറി പി എസ് സഞ്ജീവ് സംസ്ഥാന പ്രസിഡന്റ് എം ശിവപ്രസാദ് എന്നിവർ അഭിവാദ്യം ചെയ്തു.