അധികാര വികേന്ദ്രീകരണത്തില് കേരളം രാജ്യത്തിന് മാതൃകയെന്ന് മുഖ്യമന്ത്രി പിണറായി വിജയൻ. അടുത്ത കാലത്ത് കേരളം ഏറ്റവും ശ്രദ്ധിക്കപ്പെട്ടത് അതിദാരിദ്ര നിർമ്മാർജനം മൂലമെന്ന് അദ്ദേഹം പറഞ്ഞു. തദ്ദേശ തെരെഞ്ഞെടുപ്പിൻ്റെ ഭാഗമായുള്ള മുഖ്യമന്ത്രിയുടെ മുഖാമുഖം പരിപാടിയിലാണ് അദ്ദേഹം സംസാരിച്ചത്.
അതിദാരിദ്ര നിർമ്മാർജനം ലോകം തന്നെ ശ്രദ്ധിച്ച കാര്യമാണ്. അതിഭരിദ്ര മുക്തമാക്കണമെന്ന് സർക്കാരിൻ്റെ ഉറച്ച നിലപാടായിരുന്നു. അതിന് തദ്ദേശ സ്ഥാപനങ്ങൾ വലിയ സഹായം നൽകിയെന്ന് അദ്ദേഹം പറഞ്ഞു. തൃശൂർ കോർപ്പറേഷൻ വലിയ വികസനമാണ് നടത്തിയിട്ടുള്ളത്. മാലിന്യ മല ആയിരുന്ന ലാലൂർ ചരിത്രത്തിൻ്റെ ഭാഗമായെന്ന് അദ്ദേഹം കൂട്ടിച്ചേര്ത്തു.
കഴിഞ്ഞ ദിവസം എറണാകുളം പ്രസ് ക്ലബിലാണ് മുഖാമുഖം സംവാദത്തിന് തുടക്കം കുറിച്ചത്. വിവിധ ജില്ലകളിലായി മുഖ്യമന്ത്രി മാധ്യമ പ്രവർത്തകരുമായി സംവദിക്കും. തൃശൂരിൽ സംവാദത്തിനു ശേഷം ഇന്ന് വൈകീട്ട് 4.30 ന് തെരെഞ്ഞെടുപ്പിൻ്റെ പൊതു പരിപാടിയും മുഖ്യമന്ത്രി ഉദ്ഘാടനം ചെയ്യും.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
