ഒരു തോൽവിയുടെ പേരിൽ മുന്നണി വിടേണ്ട സാഹചര്യമില്ലെന്ന് കോണ്ഗ്രസ് എം നേതാവ് സ്റ്റീഫൻ ജോർജ് കൈരളി ന്യൂസിനോട് പറഞ്ഞു. മുസ്ലിം ലീഗിൻ്റെ ക്ഷണം പുതിയ കാര്യമല്ല. മുൻപും ക്ഷണിച്ചിട്ടുണ്ടെന്ന് അദ്ദേഹം പറഞ്ഞു.
പാർട്ടിയുടെ സംഘടനാടിത്തറ തകർന്നിട്ടില്ല. കേരള കോൺഗ്രസ് ഒറ്റയ്ക്ക് ഭരിക്കുന്ന പഞ്ചായത്തുകളുണ്ട്. ജോസഫ് വിഭാഗത്തിന് ഒരു പഞ്ചായത്തെങ്കിലും ഒറ്റയ്ക്ക് ഭരിക്കാൻ കഴിയുമോ? പാലാ, കാഞ്ഞിരപ്പള്ളി നിയമസഭ മണ്ഡലങ്ങളിൽ വ്യക്തമായ ലീഡ് ഇപ്പോഴുമുണ്ട്. തോൽവി എൽ ഡി എഫ് ചർച്ച ചെയ്യും. മുന്നണി തിരിച്ചു വരുമെന്ന് അദ്ദേഹം പറഞ്ഞു.
തദ്ദേശ തെരഞ്ഞെടുപ്പിലേറ്റ തിരിച്ചടിയുടെ എല്ലാവശങ്ങളും പരിശോധിച്ച് ഉചിത നടപടി സ്വീകരിക്കുമെന്ന് ചെയർമാനായ ജോസ് കെ മാണി വ്യക്തമാക്കിയിരുന്നു. എന്നാൽ, പാർട്ടിയുടെ ഈ പരാജയം അണികൾക്കിടയിൽ അസംതൃപ്തിയുണ്ടാക്കിയെന്ന വാര്ത്ത പ്രചരിക്കുന്നതിനിടെയാണ് സ്റ്റീഫൻ ജോർജ് പ്രതികരണവുമായി എത്തിയത്..
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
