നാളെ സപ്ലൈകോ വിൽപനശാലകൾക്ക് അവധിയില്ല; മാവേലി സ്റ്റോറുകൾ ഉൾപ്പെടെ തുറന്നു പ്രവർത്തിക്കും

സപ്ലൈകോയുടെ മാവേലി സ്റ്റോറുകൾ ഉൾപ്പെടെയുള്ള എല്ലാ വില്പനശാലകളും ചൊവ്വാഴ്ച ( സെപ്റ്റംബർ 30, നാളെ) തുറന്നു പ്രവർത്തിക്കുമെന്ന് മാർക്കറ്റിംഗ് വിഭാഗം അഡീഷണൽ ജനറൽ മാനേജർ അറിയിച്ചു. ഒക്ടോബർ ഒന്ന്, രണ്ട് തീയതികളിൽ അവധിയായിരിക്കും. സെപ്റ്റംബർ 30 ചൊവ്വാഴ്ച സംസ്ഥാനത്ത് പൊതുഅവധി പ്രഖ്യാപിച്ചിരുന്നു. നവരാത്രി ആഘോഷങ്ങളുടെ ഭാഗമായി (പൂജവയ്പ്പ്), സംസ്ഥാനത്തെ സർക്കാർ, അർദ്ധസർക്കാർ, പൊതുമേഖലാ സ്ഥാപനങ്ങൾക്കും, വിദ്യാഭ്യാസ സ്ഥാപനങ്ങൾക്കും ഈ അവധി ബാധകമാണ്. എന്നാൽ, സപ്ലൈകോ തുറന്നു പ്രവർത്തിക്കും.

ALSO READ; ശബരിമലയിലെ ദ്വാരപാലക ശില്പങ്ങളിലെ സ്വർണ്ണം പൂശിയ പാളികൾ ഒക്ടോബർ 17ന് പുനസ്ഥാപിക്കും

അതേസമയം, ബെവറജസ് ഔട്ട്‌ലെറ്റുകള്‍ക്ക് രണ്ടു ദിവസമാണ് അവധി. നവരാത്രി, ഗാന്ധി ജയന്തിക്കുമാണ് അടച്ചിടുക. അതേസമയം, നാളെ (സെപ്റ്റംബര്‍ 30, ചൊവ്വ) രാത്രി ഏഴുമണി വരെ മാത്രമെ പ്രവർത്തിക്കുകയുള്ളൂ. അര്‍ധവാര്‍ഷിക സ്‌റ്റോക്കെടുപ്പാണ് നാളെ നേരത്തെ ഔട്ട്‌ലെറ്റുകള്‍ അടക്കാനുള്ള കാരണം.

News Summary: All Supplyco stores, including Maveli stores, will be open on Tuesday (September 30, tomorrow).