തിരുവല്ലയിൽ ഇരുചക്ര വാഹനങ്ങൾ കൂട്ടിയിടിച്ച് അപകടം; ഒരാൾ മരിച്ചു

തിരുവല്ലയിൽ ഇരുചക്ര വാഹനങ്ങൾ കൂട്ടിയിടിച്ചുണ്ടായ അപകടത്തിൽ ഒരാൾ മരിച്ചു. കുറ്റപ്പുഴ സ്വദേശി റ്റിജു പി എബ്രഹാം ( 40 ) ആണ് മരിച്ചത്. രാവിലെ എട്ടരയോടെ മാടംമുക്ക് ജംഗ്ഷന് സമീപം ആയിരുന്നു അപകടം. അപകടത്തിൽ പരിക്കേറ്റ തൃക്കൊടിത്താനം സ്വദേശി വിഷ്ണു (36) തിരുവല്ലയിലെ സ്വകാര്യ ആശുപത്രിയിൽ ചികിത്സയിൽ ആണ്. മൂന്നു ബൈക്കുകളും ഒരു സ്കൂട്ടറുമാണ് അപകടത്തിൽപ്പെട്ടത്.

ALSO READ: യൂത്ത് കോൺഗ്രസ് ബാലുശ്ശേരി നിയോജക മണ്ഡലം ജനറൽ സെക്രട്ടറി രാജിവെച്ചു; 14 വർഷത്തെ ബന്ധം ഉപേക്ഷിച്ചത് ഗ്രൂപ്പ് താൽപര്യങ്ങളിൽ മനംമടുത്ത്

അതേസമയം കൊച്ചി ഇടപ്പള്ളിയിൽ ഉണ്ടായ വാഹനാപകടത്തിൽ രണ്ടു പേർ മരിച്ചു. ആലപ്പുഴ സ്വദേശികളായ ഹാറൂൺ ഷാജി, മുനീർ എന്നിവരാണ് മരിച്ചത്. ഇന്ന് പുലർച്ചെയായിരുന്നു അപകടം. 4 പേർ സഞ്ചരിച്ച കാർ നിയന്ത്രണം വിട്ട് മെട്രോ പില്ലറിലിടിക്കുകയായിരുന്നു. ഗുരുതരമായി പരുക്കേറ്റ രണ്ടു പേർ സ്വകാര്യ ആശുപത്രിയിൽ ചികിത്സയിലാണ്.

ENGLISH SUMMARY: A tragic road accident near Madam Mukk junction in Thiruvalla claimed the life of Tiju P. Abraham (40) from Kuttappuzha.