കേരളത്തെ സമഗ്രമേഖലകളിലും ലോകത്തിൻ്റെ നെറുകയിലേക്ക് ഉയർത്തുന്ന കേരള സർക്കാർ ഇപ്പോൾ പുതിയ ഒരു തീരുമാനത്തിലേക്കും ചുവട് വയ്ക്കുകയാണ്. കേരളത്തെ സമ്പൂർണ സ്ത്രീപക്ഷ സംസ്ഥാനമാക്കുകയെന്നതാണ് സംസ്ഥാന സർക്കാരിൻ്റെ അടുത്ത ലക്ഷ്യം. ഇതിനായി സംസ്ഥാനത്തെ പുതിയ വനിതാ നയം മന്ത്രിസഭാ യോഗം അംഗീകരിച്ചതായി ആരോഗ്യ വകുപ്പ് മന്ത്രി വീണാ ജോര്ജ് പറഞ്ഞു. നവകേരളം എന്നത് സ്ത്രീപക്ഷ കേരളമായിരിക്കും എന്ന ലക്ഷ്യത്തോടെ, 2009ലെ വനിതാ നയം കാലാനുസൃതമായി പരിഷ്കരിച്ചാണ് വനിതാ നയം 2026 പുറത്തിറക്കിയത്.
ആധുനിക കാലഘട്ടത്തിലെ ആവശ്യങ്ങള്ക്കനുസൃതമായി സ്ത്രീകളുടെ സുരക്ഷ, തൊഴില് അവകാശങ്ങള്, നിയമങ്ങള്, ഗോത്രസമൂഹം, തീര ദേശം എന്നിങ്ങനെ പല മേഖലകള്ക്ക് മുന്ഗണന നല്കിക്കൊണ്ടാണ് ഈ നയം രൂപീകരിച്ചിരിക്കുന്നതെന്ന് മന്ത്രി വ്യക്തമാക്കി.ആരോഗ്യ വനിത ശിശു വികസന വകുപ്പ് മന്ത്രി വീണാ ജോര്ജിന്റെ നിര്ദേശ പ്രകാരം വനിത ശിശു വികസന വകുപ്പിന്റെ നേതൃത്വത്തില് 11 പേരടങ്ങുന്ന ജെന്ഡര് കൗണ്സില് വനിതാ നയം കരട് രൂപീകരിച്ചു. 9 സിറ്റിങ്ങുകളും സെമിനാറും നടത്തി.
Also read: നാടൊന്നായി വികസന മുന്നേറ്റ ജാഥയ്ക്കൊപ്പം; പിറവത്ത് ജാഥാ സ്വീകരണവേദിയിലെത്തി മുൻ കോൺഗ്രസ് നേതാവ്
8 വിഷയങ്ങളില് 72 വിഷയ വിദഗ്ധരുടേയും 3 മേഖലകളില് നിന്നായി 300 ഓളം സ്ത്രീകളുടേയും അഭിപ്രായങ്ങള് ആരാഞ്ഞാണ് വനിത നയം ക്രോഡീകരിച്ചത്.
ജാതി-മത-ലിംഗ ഭേദമന്യേ സ്ത്രീകള് നേരിടുന്ന വിവേചനങ്ങള് അവസാനിപ്പിക്കുകയും സമൂഹത്തിന്റെ എല്ലാ മേഖലകളിലും തുല്യ പങ്കാളിത്തം ഉറപ്പാക്കുകയുമാണ് നയത്തിന്റെ അന്തസത്ത.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
